سنور ميديا
242 جار بینراوە 20/9/2019 03:28 PM

واده‌ی كردنه‌وه‌ی ده‌رگای خوێندن به‌ڕوی خوێنكاراندا دیاری كرا



سنور میدیا

بەپێی بڕیاری وەزارەتی پەروەردەی حكومەتی هەرێم، سبەینێ‌ شەممە 21ی ئەیلول ساڵی نوێی خوێندن دەستپێدەكات و دەرگای خوێندنگەكان بەڕووی خوێندكاراندا دەكرێنەوە.

 

ئالان حەمە سەعید، وەزیری پەروەردەی حكومەتی هەرێمی كوردستان ئاشكرای كرد، ڕۆژی شەممە بەرواری 21-9-2019 یەكەم ڕۆژی وەرزی خوێندنی ساڵی 2019-2020 دەبێت.

 

بەپێی بڕیاری وەزارەتی پەروەردە، بۆ ساڵی نوێی خوێندن سیستمی ئینگلیزی هەڵوەشایەوە و بەو هۆیەوە بەشێك لە خوێندنگاكان كرانەوە بە دوو دەوامی.


هاوكات هەر بەپێی بڕیاری وەزارەتی پەروەردە و وەزارەتی تەندروستی، چەند جۆرێكی خواردنی سورەوكراو و جپس و نوقڵ و شیرنیی لە خواردنگەی خوێندنگەكان قەدەغە كراوە بۆ وەرزی نوێی خوێندن و ڕێگە بە فرۆشتنی میوە و لەفەی گۆشتی مریشكی كوڵا و فەلافل و قاورمە و نۆكاو دەدرێت.

هه‌ر بەپێی بڕیاری وەزارەتی پەروەردە لە ساڵی نوێی خوێندندا سیستمی یەكپۆشی لە جلوبەرگی خوێندكاران پەیڕەو دەكرێت و كەسوكاری خوێندكارانیش ئازادن لە هەر دوكان و كۆمپانیایەك جلوبەرگ بۆ خوێندكاران دەكڕن.

بەپێی بڕیارەكە شێواز و ڕەنگی جلوبەرگی خوێندكاران بەپێی قۆناغەكان بەم جۆرە دەبێت:
1- جلوبەرگی باخچەكانی منداڵان:
- بۆ كچ/ كراسی پەمەیی لەگەڵ تەنورە یان پانتۆڵی ڕەساسی.
- بۆ كوڕ/ كراسی شین لەگەڵ پانتۆڵی ڕەساسی.

2- جلوبەرگی قۆناغی ئامادەیی (زانستی، وێژەیی، پیشەیی، ئیسلامی):
- بۆ كچ (قۆناغی 10-11-12) تەنورە یان پانتۆڵی ڕەش لەگەڵ كراسی سپی.
- بۆ كوڕ (قۆناغی 10-11-12) پانتۆڵی ڕەش یان كاوبۆی ڕەش لەگەڵ كراسی سپی.

3- جلوبەرگی قۆناغی بنەڕەتی (7-8-9):
- بۆ كچ/ تەنورە یان پانتۆڵی نیلی لەگەڵ كراسی سپی.
- بۆ كوڕ/ پانتۆڵی نیلی لەگەڵ كراسی سپی.

4- جلوبەرگی قۆناغی بنەڕەتی (1-6):
- بۆ كچ/ تەنورە یان پانتۆڵی ڕەساسی لەگەڵ كراسی سپی.
- بۆ كوڕ/ پانتۆڵی ڕەساسی لەگەڵ كراسی سپی.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure