مه‌سرور بارزانى
967 جار بینراوە 18/9/2019 11:21 AM

سه‌رۆكی حزبێكی هه‌رێم: كاك مه‌سرور پێی وتم ئه‌گه‌ر ببیت به پارتی ده‌تكه‌مه‌ ئه‌ندامی سه‌ركردایه‌تی و 500 كه‌ست بۆ داده‌مه‌زرێنم



سنور م

سه‌رۆكی حزبی بزووتنه‌وه‌ی یه‌كسانیی كوردستان ده‌ڵێت، "كاك مه‌سرور پێی وتم ئه‌گه‌ر ببیت به‌ پارتی 500 كه‌ست بۆ داده‌مه‌زرێنم".

 

عه‌باس پشده‌ری، سه‌رۆكی حزبی بزووتنه‌وه‌ی یه‌كسانیی كوردستان كه‌هێشتا حزبه‌كه‌ی مۆڵه‌تی كاركردنی له‌لایه‌ن حكومه‌تی هه‌رێمی كوردستانه‌وه‌ پێنه‌دراوه‌ و بڕیاره‌ به‌م نزیكانه‌ دابمه‌زرێت ڕایگه‌یاند، "دوای ئه‌وه‌ی له‌ یه‌كێتیی جیا بوومه‌وه‌ بڕیارم دا حزبێك دابمه‌زرێنم و بۆ ئه‌وه‌ش په‌یوه‌ندیم كرد به‌ مه‌سرور بارزانی، سه‌رۆكی حكومه‌ت و پێی ڕاگه‌یاندم ئه‌گه‌ر ده‌بیته‌ پارتی ئه‌وه‌ ده‌تكه‌م به ‌ئه‌ندامی سه‌ركردایه‌تی و پێنجسه‌د كه‌سیشت بۆ داده‌مه‌زرێنم و كاتێك ڕازی نه‌بووم، وتی بڕۆ كاری خۆت بكه ‌و حه‌قت نه‌بێت" ئه‌وه‌ش به‌گوێری لێدوانی ناوبراو بۆ ڕۆژنامه‌ی ئاژانس.

 

وتیشی:"هه‌فته‌ی ڕابردوو له‌گه‌ڵ كاك ڕێبه‌ر ئه‌حمه‌د، وه‌زیری ناوخۆ قسه‌م كرد پێی ڕاگه‌یاندم ڕه‌نگه‌ هه‌فته‌ی داهاتوو مۆڵه‌تی حزبه‌كه‌تان به‌ فه‌رمی ده‌ربچێت و دوای ئه‌وه‌ باره‌گا له‌ شاری هه‌ولێر ده‌كه‌ینه‌وه‌ و ‌له ‌هه‌ڵبژاردنی داهاتووش به‌شداریده‌كه‌ین".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure