سنور ميديا
138 جار بینراوە 30/8/2019 01:28 PM

روداوێكی هاتوچۆ له‌ شاخی به‌رانان 21 قوربانيی لێكه‌وته‌وه‌



سنور ميديا 

به‌هۆی روداوێكی هاتوچۆوه‌ كه‌ له‌ سنوری قه‌زای ده‌ربه‌ندیخان رویدا، دوو كه‌س گیانیانله‌ده‌ستدا و 19ی دیکەش برینداربون، سه‌رجه‌م سەرنشینەکانیش گەشتیاری به‌ ره‌گه‌ز عه‌ره‌بن.

 

به‌شی راگه‌یاندنی به‌ڕێوه‌به‌رایه‌تیی پۆلیسی هاتوچۆی سلێمانیی ئه‌مڕۆ هه‌ینی 30ی ئابی 2019 رایگه‌یاند: له‌سه‌ر شاخی به‌رانان پاسێكی نه‌فه‌رهه‌ڵگری گەشتیاری وه‌رگه‌ڕاوه‌ و به‌هۆیه‌وه‌ دوو کەس گیانیانلەدەستداوە کە ژن و پیاوێکن و 19ی دیکەش برینداربون.

 

راگه‌یاندنی به‌ڕێوه‌به‌رایه‌تیی پۆلیسی هاتوچۆی سلێمانیی ئاشكرایكردوه‌ كه‌ سه‌رجه‌م برینداره‌كان به‌ره‌گه‌ز عه‌ره‌بن‌ و بەمەستی گەشتکردن سەردانی ناوچەکەیان کردبوو، له‌نێو برینداره‌كانیشدا 12یان منداڵن كه‌ ته‌مه‌نیان له‌نێوان 1 بۆ 13 ساڵیدایه‌.

 

له‌ئێستاشدا گه‌شتیاره‌ برینداره‌كان، گواستراونه‌ته‌وه‌ بۆ نه‌خۆشخانه‌ی فریاكه‌وتنی ده‌ربه‌ندیخان و چاره‌سه‌ری پێویستیان بۆ ده‌كرێت، به‌ڵام 3 له‌ برینداره‌كان برینه‌كه‌یان سه‌خته‌و بارودۆخیان ناجێگیره‌.

 

لەلایەکی دیکەوە، کاتژمێر 1:30 خولەکی شەوی ڕابردوو لەئەنجامی پێکدادانی سێ ئوتومبیل لەنزیک گوندی زڕگوێز، کەسێک گیانی لەدەستداو ھەشتی دیکەش بریندار بوون.

 

پاش ڕوداوەکە ھێزەکانی پۆلیس و تیمە فریاگوزارییەکانی دیکە گەیشتنە شوێنی ڕوداوەکەو بریندارەکان گەیەندرانە نەخۆشخانەو ئەو کەسەشی کە گیانی لەدەستدا ڕەوانەی پزیشکی دادوەری کرا.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure