سنور ميديا
142 جار بینراوە 24/8/2019 03:27 PM

توركیا دەست بە پرۆسەیەكی سەربازی نوێی بۆ سەر ناوچەكانی هەرێم دەكات



سنور ميديا 

توركیا رایگەیاند، پرۆسەیەكی سەربازی نوێی لەژێر ناوی "چڕنووك ٣"ی لە هەرێمی كوردستان دژی چەكدارانی پارتی كرێكارانی كوردستان پەكەكە دەستپێكردووە .

 

وەزارەتی بەرگری توركیا لەبەیاننامەیەكدا راشیگەیاند، پرۆسەی سەربازی "چڕنووك ٣" لە ٢٣ی ئابەوە بەئامانجی دەستەبەركردنی ئاسایشی سنوور و وێرانكردنی حەشارگەی چەكدارانی پارتی كرێكارانی كوردستان لەهەرێمی كوردستان دەستیپێكردووە .

 

بەپێی بەیاننامەكە، پرۆسەكە بەپشتیوانی هێزی ئاسمانی توركیا و بەرگرییە ئاسمانییەكانی سەر زەوی و تۆپخانەكانی سوپای توركیا دەبێت .

 

بەردەوام توركیا هێرشی ئاسمانی دەكاتە سەر بنكە و بارەگاكانی پارتی كرێكارانی كوردستان لە چیای قەندیل ، بەڵام لەم دوو هەڵمەتەی پێشووتر، كە ناوی لێنابوو چرنووكی یەك و دوو، جگە لە هێرشی ئاسمانی تێیدا هێرشی وشكانی و تۆپخانەشی تێدا بەكارهاتووە .

 

توركیا ئەوەشی راگەیاندووە، كە ئەو پرۆسە سەربازییانەی لەناو خاكی هەرێمی كوردستان بۆ بەئامانجگرتنی چەكدارانی پارتی كریكارانی كوردستان ، وەك وەڵامێكە بۆ ئەو هێرشانەی چەكدارانی ئەو پارتە دەیكەنە سەر هێزەكانی توركیا لەناو خاكی باكووری كوردستان ، بەڵام بەهۆی هێرش و بۆردومانەكانی سوپای توركیاوە بەردەوام خەڵكی مەدەنی و گوندنشینانی ناوچەكە دەبنە قوربانی .

 

لای خۆشییەوە حكوومەتی بەغدا بەردەوام داوا لەدەسەڵاتدارانی ئەنقەرە دەكات رێز لە سەروەری خاكی عێراق بگرن و هێرشە ئاسمانی و پرۆسە سەربازییەكانیان لەناو خاكی عێراق بوەستێنن .

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure