ئۆجالان
674 جار بینراوە 16/8/2019 01:42 PM

ئۆجالان پەیامێك ئاراستەی بەرپرسانی هەرێمی كوردستان دەكات



سنور ميديا 

دوای سەردانەكەی بۆ زیندانی ئیمراڵی، برای رێبەری زیندانیكراوی پارتی كرێكارانی كوردستان (پەكەكە) تەواوی وردەكاری چاوپێكەوتنی لەگەڵ براكەیدا بڵاوكردەوە.

 

پاش ئەوەی دوەم رۆژی جەژن محەمەد ئۆجالان، سەردانی عەبدوڵا ئۆجالان-ی برای و رێبەری پارتی كرێكارانی كوردستان (پەكەكە)ی كرد لە زیندانی ئیمراڵی، سەبارەت بە دۆخی ناوچەكە و لێدوانەكانی توركیا سەبارەت بە چونە ناو باكور و رۆژهەڵاتی فورات پەیامەكانی ئۆجالان-ی بڵاوكردەوە.

 


بەپێی وتەكانی محەمەد ئۆجالان، لەگەڵ ئەوەدا كە هەفتەی رابردو 8ی ئاب، عەبدوڵا ئۆجالان لە رێگەی پارێزەرەكانیەوە رایگەیاندبو "ئامادەیە لە ماوەی یەك هەفتەدا كۆتایی بە جەنگی پێشبینیكراو بهێنێت و چارەسەری كێشەكان بكات"، دوەم رۆژی جەژن رایگەیاندوە "ئەگەر توركیا بیەوێت بچێتە خاكی سوریا ئەو چارەسەرە ئەنجامنادرێت".

 

عەبدوڵا ئۆجالان لەمیانی وتەكانیدا ئاماژەی بەوەكردوە "ئەگەر توركیا بچێتە باكور و رۆژهەلاتی فورات، هەم توركیا زیاندەبینێت، هەم خەڵی ئەو ناوچەیە، ئەو كارە بە جەنگ چارەسەر ناكرێت و دەبێت رێگەچارەیەكی دیكە دابنرێت"، وتوشیەتی "تەنانەت ئەگەر توركیا بیەوێت بچێتە باكوری سوریا ئەو چارەسەرەی ئەو دەیەوێت دروستنابێت".


هاوكات لە درێژەی وتەكانیدا بۆ محەمەد ئۆجالان، عەبدوڵا ئۆجالان رایگەیاندوە "سەبارەت بە چارەسەری دۆزی كورد، ئەوەی لە دەستمان بێت و لە چوارچێوەی بەرپرسیاریەتیماندابێت ئەنجامیدەدەین".

 


لەبارەی ئۆپەراسیۆنی چنگ، كە هێزە سەربازیەكنی توركیا لە ناوچەكانی باشوری كوردستان دژ بە چەكدارانی پەكەكە ئەنجامیدەدەن وتویەتی "چنگ بە واتای جەنگ دێت، ئەم بابەتە بە رشتنی خوێنی مرۆڤەكان چارەسەرناكرێت، ئێمە هەمیشە لەگەڵ ئاشتیداین و دژ بە جەنگ دەبین، پێویستە لەبری جەنگ ئاشتی هەبێت".

 


هاوكات لە ئۆجالان باسی لەوەكردوە "حكومەتی هەرێمی كوردستان لە مامەڵەكردنی بە شێوەیەكی بێلایەن ناتوانێت سەركەوتوبێت، چونكە ئۆپەراسیۆنی چنگ زەبر دەدات لە یەكبونی كورد و یەكبون و پێكەوەبون بەو شێوەیە نابێت، پێویستە هەموان لەپێناو یەكبونی كورددا فیداكاربن بۆ ئەو مەبەستە كاربكەن".

 

ئەو وتانەی ئۆجالان لەكاتێكدایە، رۆژی پێنجشەممە، رێكەوتی 8ی ئاب ل رێگەی پارێزەرەكانیەوە عەبدولا ئۆجالان رایگەیاند "دەتوانێت تەنها لە ماوەی یەك هەفتەدا كێشەكانی تایبەت بە كورد چارەسەربكات و جەنگی پێشبینیكراو لە ماوەی ئەو هەفتەیەدا كۆتایی پێبهێنێت".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure