هه‌رێمى كوردستان
272 جار بینراوە 28/7/2019 02:06 PM

گه‌وره‌ترين پيلانى تيرۆريستى بۆ سه‌ر هه‌رێمى كوردستان پۆچه‌ڵ كرايه‌وه‌



سنور ميديا 

شانه‌ی هه‌واڵگری هه‌ڵۆكان رایگه‌یاند: گه‌وره‌ترین پیلانی تیرۆریستیان بۆ به‌ئامانجكردنی هه‌رێمی كوردستان و به‌غدا و پارێزگاكانی باشور پوچه‌ڵكردووه‌ته‌وه‌.

 

ئه‌بو عه‌لی به‌سری سه‌رۆكی شانه‌ی هه‌واڵگری هه‌ڵۆكان و به‌ڕێوه‌به‌ری گشتی هه‌واڵگری و به‌ره‌نگاربوونه‌وه‌ی تیرۆر له‌ وه‌زاره‌تی ناوخۆ، له‌ لێدوانێكی رۆژنامه‌وانیدا ئاشكرای كردووه‌: له‌ ساڵی 2019دا گه‌وره‌ترین پیلانی تیرۆریستی داعشیان پوچه‌ڵكردووه‌ته‌وه‌ كه‌ ویستبوویان له‌ مانگی ره‌مه‌زان و جه‌ژنی رابوردوو به‌غدا و هه‌رێمی كوردستان و چه‌ند پارێزگایه‌كی تر بكه‌نه‌ ئامانج، بۆ ئه‌وه‌ی بوونی خۆیان بسه‌لمێنن.

 

ئه‌وه‌شی روونكردووه‌ته‌وه‌: پرۆسه‌ پێشوه‌خته‌كانی ئه‌م دواییه‌ی ده‌زگا هه‌واڵگرییه‌كانمان، توانیویانه‌ نزیكه‌ی 160 تیرۆریست له‌ موسڵ و 40ی دیكه‌ له‌ به‌غدا و چواریش له‌ به‌سڕه‌ ئاشكرا و ده‌ستگیربكه‌ن، كه‌ پیلانیان دانابوو چه‌ندین كرده‌وه‌ی خۆكوژی و ته‌قاندنه‌وه‌ی ئۆتۆمبێل له‌ هه‌ولێر و به‌غدا و به‌سڕ و پارێزگاكانی تر ئه‌نجام بده‌ن.

 

سه‌رۆكی شانه‌ی هه‌واڵگری هه‌ڵۆكان و به‌ڕێوه‌به‌ری گشتی هه‌واڵگری و به‌ره‌نگاربوونه‌وه‌ی تیرۆر له‌ وه‌زاره‌تی ناوخۆ وتیشی: "به‌هاوكاری هێزه‌ ئه‌منییه‌كانی هه‌رێمی كوردستان دوو تیرۆریستی دیكه‌یان ده‌ستگیركردووه‌ كه‌ پیلانیان دانابوو له‌ مانگی ره‌مه‌زاندا كرده‌وه‌ی تیرۆریستی ئه‌نجام بده‌ن".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure