سنور ميديا
141 جار بینراوە 28/7/2019 01:37 PM

وه‌زيره‌كه‌ى گۆڕان هه‌وڵێكى خۆش له‌باره‌ى ڕێگاوبانى قيرتاو و هێڵى ئاسنين ڕاده‌گه‌يه‌نێت



سنور ميديا

وه‌زیری ئاوه‌دانكردنه‌وه‌ و نیشته‌جێكردنی حکومەتی هەرێمی کوردستان رایگەیاند، له‌ پلانیاندایه‌ هێڵی ئاسنین بهێننه‌ هه‌رێمی كوردستان و تا ساڵی 2023 سه‌رجه‌م رێگای نێوان شاره‌كان بكرێنه‌ دو ساید و قیرتاو بكرێن.

 

ئه‌مڕۆ یەکشەممە دانا عەبدولکەریم وه‌زیری ئاوه‌دانكردنه‌وه‌ و نیشته‌جێكردنی هه‌رێم له‌ پرێس كۆنفرانسێكدا له‌ هه‌ولێر ڕایگەیاند "كارنامه‌ و پلانی وه‌زاره‌تی ئاوه‌دانكردنه‌وه‌ له‌ سێ به‌شی سه‌ره‌كی پێكهاتوه‌، یه‌كه‌میان پێداچونه‌وه‌ به‌ دیزاینی پرۆژه‌كانی رێگاوبان و بیناسازی و باشتركردنیان، دووه‌م به‌شی پلانه‌كه‌مان دانانی ئه‌وله‌ویاته‌ بۆ پرۆژه‌كان و هه‌ڵسه‌نگاندن و پێداچونه‌وه‌ به‌ پلانه‌كانی وه‌زاره‌ت، سێیه‌م به‌شی پلانه‌كانیشمان تایبه‌ته‌ به‌ رێگاوبانه‌كان به‌جۆرێك سه‌رجه‌م رێگاكانی نێوان شاره‌كان و ئه‌و رێگایانه‌ی هه‌رێمی كوردستان به‌ وڵاتانی دراوسێوه‌ ده‌به‌ستێته‌وه‌ به‌ دووساید بكرێن و تا كۆتایی ساڵی 2023 به‌شی زۆری ئه‌و رێگایانه‌ ته‌واو بكرێن، ئه‌گه‌ر هه‌مووشی ته‌واو نه‌كرێن پێویسته‌ زیاتر له‌ 90%یان ته‌واو بكرێن".

 

وەزیری ئاوەدانکردنەوەو نیشتەجێکردن ئەوەش وت، پاراستنی رێگاوبانه‌كان یه‌كێكی دیکە ده‌بێت له‌ پلانه‌كانیان، بۆ ئه‌وه‌ی رێگایه‌كان بپارێزرێن، رێگا خراپ و كۆنه‌كانیش چاك بكرێنه‌وه‌ پێش ئه‌وه‌ی بگه‌نه‌ قۆناغێك چاكردنه‌وه‌یان ئه‌سته‌م بێت. 

 

دانا عه‌بدولكه‌ریم وه‌زیری ئاوه‌دانكردنه‌وه‌ و نیشته‌جێكردن ئاماژەی بۆ ئەوەشکرد"هیوادارم هاوسه‌نگییه‌كی باشی دارایی له‌ هه‌رێم دروستبێت بۆئه‌وه‌ی بتوانین پلانه‌كانمان به‌ته‌واوی جێبه‌جێبكه‌ین، ئێستا جۆرێك له‌ رێككه‌وتن له‌ نێوان هه‌رێم و به‌غدا هه‌یه‌ به‌تایبه‌ت دوای سه‌ردانی شاندی هه‌رێم لێكتێگه‌یشتنی باش دروستبوه‌ بۆئه‌وه‌ی سه‌رجه‌م كێشه‌كان چاره‌سه‌ر بكرێن".

 

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure