گۆڕان
410 جار بینراوە 24/7/2019 02:31 PM

پارتى گۆڕان توڕه‌ ده‌كات به‌ ڕێبازحه‌ملان



سنور ميديا 

بزووتنەوەی گۆڕان قایل نییە پۆستی یاریدەدەری سەرۆكی حكومەت بۆ كاروباری دارایی دابنرێت كە بڕیارە ڕێباز حەملان وەریبگرێت و بۆ ئەوەش پەیامی ناڕەزایی ئاڕاستەی پارتی كردووە بەڵام ئەو حزبە داواكەی ڕەت كردووەتەوە.

 

چالاكی موهەندیس، ئەندامی جڤاتی نیشتیمانیی بزووتنەوەی گۆڕان بە ڕۆژنامه‌ی ئاژانس-ی وتوه‌:"ئێمە نیگەرانین لە پارتی و ئەوەشمان بە فەرمی پێ ڕاگەیاندوون، بەڵام ئەوان تا ئێستا وەڵامیان نەداوینەتەوە".

 

هاوكات ئەندامێكی جڤاتی گشتیی گۆڕان كە نەیویست ناوی ئاشكرا بكرێت وتی:"گۆڕان بە فەرمی پەیوەندیی بە مه‌حمود محەمەد، وتەبێژی پارتییه‌وه‌ كردووە و نیگەرانییەكانی بزووتنەوەكەی سەبارەت بە دانانی ڕێباز حەملان پێ ڕاگەیاندووە، ئەویش وتوویەتی بە سەروی خۆمی دەگەیەنم و ئەم پرسە قابیلی گفتوگۆیە".

 

نیگەرانیی گۆڕان لەو پۆستە پەیوەندیی بەوەوە هەیە ئەو حزبە وەزارەتی دارایی بە دەستەوەیه‌ و مەترسیی ئەوەیان هەیە كە بەریەككەوتن لە نێوان دەسەڵاتی وەزیری دارایی و یاریدەدەری سەرۆكی حكومەت ڕوو بدات ئەگەر ئەو پۆستە درووست بكرێت.

 

ئەندامێكی سەركردایەتیی پارتی كە نەیویست ناوی بهێندرێت بۆ ئاژانس وتی: "پرسی دانانی ئەو پۆستە پەیوەندیی بە سەرۆك وەزیرانەوە هەیە و پێویست ناكات گۆڕان نیگەران بێت".

 

بە پێی زانیارییەكانی ״ئاژانس״ پارتی ئەو داوایەی گۆڕانی ڕەت كردووەتەوە و سەرچاوەیەكی نزیك لە ڕێباز حەملان كە نەیویست ناوی بڵاو بكرێتەوە ڕایگه‌یاندووه‌، "پێدانی پۆستی یاریدەدەری سەرۆكی حكومەت بۆ كاروباری دارایی بە ڕێباز حەملان یەكلایی بووه‌تەوە و لە چەند ڕۆژی داهاتوودا بە فەرمی لە لایەن مەسرور بارزانی، سەرۆكوەزیرانی هەرێم بڕیاری دەستبەكاربوونی بۆ دەردەچێت و دەسەڵاتەكانی بۆ دیاری دەكات".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure