نێچيرڤان بارزانى
177 جار بینراوە 23/7/2019 06:02 PM

سەرۆكی ھەرێم واژۆ لەسەر ھەمواری یاسای ئەنجوومەنی پارێزگاكان دەكات



سنور ميديا 

سەرۆكی فڕاكسیۆنی پارتی لە ئەنجوومەنی پارێزگای ھەولێر رایدەگەێنێت "بڕیارە لەم ھەفتەیەدا سەرۆكی ھەرێمی كوردستان ھەمواركردنەوەی یاسای ئەنجوومەنی پارێزگاكان واژۆ و پەسەند بكات".


ئەمڕۆ سێ‌شەممە کەنعان خەیلانی سەرۆكی فڕاكسیۆنی پارتی دیموكراتی كوردستان لە ئەنجوومەنی پارێزگای ھەولێر، بە ماڵپەڕی فەرمیی پارتی دیموكراتی كوردستانی ڕاگەیاندوە "دوای ھەمواركردنەوەی یاسای ئەنجوومەنی پارێزگاكان و درێژكردنەوەی ماوەی كاركردنیان، ھەموارەكە لەلایەن پەرلەمانەوە رەوانەی سەرۆكایەتیی ھەرێم كراوە بۆ ئەوەی واژۆی لەسەر بكات و دواتریش رەوانەی پەرلەمان بكرێتەوە، بۆیە بڕیارە لەم ھەفتەیەدا سەرۆكی ھەرێم واژۆی بكات و رەوانەی پەرلەمانی بكاتەوە و دواتریش ئێمە لە رێگەی نووسراوی فەرمییەوە ئاگادار بكرێینەوە".

 

کەنعان خەیلانی ئاماژەی بەوەشدا "دوای كاراكردنەوەی ئەنجوومەن، یەكەم ھەنگاوی ئێمە ئەنجامدانی كۆبوونەوەیەك دەبێت لەبارەی درێژكردنەوەی ماوەی كاركردنمان و دواتر دەسەڵاتی خۆمان بەكار دێنین و كۆبوونەوەیەك لەگەڵ سەرۆكی حكوومەت ئەنجام دەدەین بۆ شێوازی كاركردن لە داھاتوودا، كە بە چ شێوەیەك بێت، بۆ ئەوەی بەركەوتن لە نێوان لیژنەكانی ئێمە و پەرلەمان نەبێت و ئەمە رێك بخرێت و ناكرێت لیژنەیەكی پەرلەمان بەدوای مەلەفێكدا بچێت و لیژنەی ئێمەش بەدوای ھەمان مەلەفدا بێت، بۆیە پێویستە ھەماھەنگییەكی تەواو ھەبێت لە كاتی بەدواداچوونەكان و پێویستە كارەكانیان جیا بكرێتەوە".

 

سەرۆكی فڕاكسیۆنی پارتی دیموكراتی كوردستان لە ئەنجوومەنی پارێزگای ھەولێر وتوشیەتی "لەگەڵ فڕاكسیۆنی پارتی لە پەرلەمانی كوردستان لەسەر ئەو پرسە قسەمان كردووە و دەمانەوێت بە شێوەی كرداری ئەو كارەبكرێت و ئیشی ھەر یەكەیان دیار بێت، چونكە ئێمە دوو دەزگای ھەڵبژێردراوین لە لایەن خەڵكەوە".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure