سنور ميديا
2506 جار بینراوە 21/7/2019 08:46 AM

په‌رله‌مانى عيراق به‌جوڵه‌يه‌ك توركه‌كان شپرزه‌ ده‌كات



سنور ميديا 

ئەحمەدی حاجی رەشید، پەرلەمانتاری كورد لە لیژنەی دارایی لە پەرلەمانی عیراق لە راگەیەندراوێكدا باسی لەوەكردووە: یەكێك لەودۆسیانەی كە هەستیارن كێشەی نیوان عیراق و توركیایە، لە ساڵی 2014 و لە سەردەمی نوری مالیكیدا عیراق سكاڵایەكی لەسەر توركیا لە ژوری بازرگانی نێودەوڵەتی ناسراو بە (ICC) تۆمار كردوە.


ئاشكراشیكردوە كە عیراق داوای 26 ملیار دۆلار قەرەبوو لە توركیا دەكاتەوە و بۆ بەردەوامیدانیش بەو دۆسیەیە، حسین شەهرستانی لە 26ی نیسانی 2019جا بانگ كراوە بۆ فەرنسا تا شایەتی بدات.


پەرلەمانتارەكەی لیژنەی دارایی ئاشكراشیكردوە كە بۆ دۆسیەكە لیژنەیەكی پەرلەمانی پێكهاتووە كە لە ئەندامانی 4 لیژنەی گرنگ پێكدێن، ئەوانیش لێژنەكانی دارایی و دەرەوە و یاسایی و وزەیە، دەشڵێت كە لیژنەی دارایی، خودی ئەحمەدی حاجی رەشیدیان بۆ نوێنەرایەتی لەو لیژنەیەدا دیاریكردوە.


ئەحمەدی حاجی رەشید راشیگەیاندوە:"بەڵگەنامەكان شتی زۆر هەستیاری تێدایەو توركەكان هەستیان بەوە كردوە كە ئەو سكاڵایە دەدۆڕێنن، بۆیە زۆر بەو لیژنەیە شپرزە بوون."


جێی باسە لەساڵی 2014دا عێراق سكاڵای لەدژی حكومەتی توركیا و كۆمپانیای بۆتاشی ئەو وڵاتە تۆمار كردووە بەهۆی رێگەدانیان بەهەناردەكردنی نەوت لەهەرێمی كوردستانەوە، چوونكە پێیوایە،ئەوە پێچەوانەی رێككەوتنی بەغداو ئەنقەرەیە لەبارەی بۆرییەكانی گواستنەوەی نەوت.

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure