جه‌مال ئيبراهيم
329 جار بینراوە 21/7/2019 08:32 AM

هەڵسەنگاندێكی خێرا بۆ هۆشدارییە تووندەكەی "دڵشاد گەرمیانی":



 

دڵشاد گەرمیانی، ئەندامی مەكتەبی سیاسی پێشووی كۆمەڵی ئیسلامیی، لە وتارێكیدا هۆشدارییەكی تووندی داوە لەمەڕ پرسی لێكردنەوەی پاشگرە ئیسلامییەكەی كۆمەڵی ئیسلامیی. دەیان وشەی ئیستیفزازانەی ڕیزكردووە بۆ هەڵگرانی ئەم بانگەشانەی حیزبەكەی، ئەگەرچی لەسەرەتادا دەیەوێت عەلی باپیر، بخاتە دەرەوەی هێرشەكانی بەڵام هەموو هێرشەكەی لە ئێستادا بۆ عەلی باپیرە، چونكە ئەوە ئەم بوو لە ١٨یەمین ساڵوەگەری كۆمەڵدا ئەم پرسەی ورووژاند، گەرمیانی كە دەڵێت ئەم پرسە كۆنە، مەبەستی ئارام قادر و چەند كەسێكی نزیكییەتی، لە ئێستادا ئارام قادر و ئەوانەی باوەڕیان بە بۆچوونەكانی هەبوو لە كۆمەڵ دووركەوتوونەتەوە و، حیزبێكی تریان هەیە(هاوپەیمانی نیشتمانی).

 

ئەوە ڕوون بوو ئەم پرسە لەناو هێزێكی پاشخان چەكداری(سەلەفی جیهادی-وەهابیزم)ی وەكو كۆمەڵ قوورسە. هەر زوو بەرپەرچ دەدرێتەوە و (نەیار) و (یار)ی بۆ قووتدەبێتەوە.

 

سەلەفییەكانی ناو كۆمەڵ، كە دڵشاد گەرمیانی یەكێكە لە ڕێبەرەكانی-ئەگەرچی لە ئێستادا لێپرسراوێتی نییە و خەریكی بزنسە، بەڵام هەر لە ئاستی باڵادا حسابی بۆ دەكرێت، جیا لەمەش براكەی "دلێر گەرمیانی"، لە دوو كۆنگرەی دوواییدا دەنگی یەكەمی كۆنگرەی هێناوە و "ئەندامی ئەنجوومەنی سیاسی"مەكتەبی سیاسی كۆمەڵ"ە- ڕێگە نادەن ئەم پرسە لە كۆنگرە دەنگ بێنێت(ئەگەر كۆنگرە لەم ساڵدا بكرێت)!

 

چارەنووسی كۆمەڵ بەرەو كوێ؟

١)كۆمەڵ مەیلی بە بەشداری حكومەت هەبوو بەڵام بەشداری پێنەكرا.
٢) چەندین بەرپرسی باڵای لە ئاستی سەركردایەتی و ئۆرگانەكانی خوارەوە دەستیان لەكاركێشایەوە لە سنووری هەولێر.
٣) ئەم پرسە(جیاكردنەوەی پاشگری ئیسلامیی لە كۆمەڵ) و هۆشدارییە تووندەكەی دڵشاد گەرمیانی، كە بە نیسبەت سەركردایەتییەوە بە هەند وەردەگیرێت..

 

ئەو سێ خاڵەی سەرەوە ئاماژەی ڕوونن كە كۆمەڵ، وەزعی باش نییە و كێشەی قووڵی هەیە و ئەگەری ئینشیقاق لە نێو ڕیزەكانییدا بەهێزە.

 

ئەو خاوەخاوەی لە ئامادەكارییەكانی بەستنی كۆنگرە هەستی پێدەكرێت، لەگەڵ ئەو ترسە هەقیقییەی كە كۆمەڵ هەیەتی لە ئەگەری ئینشیقاق، وادەكات كە ڕەنگ بێت كۆنگرە لەم ساڵدا نەكرێت یان ئەگەر بیشكرێت ئەوا پێش كۆنگرە لەسەر خاڵە ناكۆكەكان بگەنە ئیتیفاقێت تاكو نەیبەنە هۆڵی كۆنگرە و كێشەیان تووش ببێت...

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure