سنور ميديا
3348 جار بینراوە 21/7/2019 12:44 AM

به‌ڕێوه‌به‌رى نووسينگه‌ى هێمن هه‌ورامى ده‌ست له‌كاركێشانه‌وه‌ى خۆى ڕاگه‌ياند



سنور ميديا 

سه‌نگه‌ر هه‌ورامى به‌ڕێوه‌به‌رى نووسينگه‌ى هێمن هه‌ورامى ده‌ست له‌كاركێشانه‌وه‌ى خۆى ڕاگه‌ياند له‌ پۆسته‌كه‌ى و هۆكاره‌كه‌ى ئاشكرا كرد .

 

ده‌قى ده‌ست له‌ كاركێشانه‌وه‌كه‌ 

دەستلەکارکێشانەوە

‎من (سەنگەر ھەورامی) کە ماوەی (٨) ساڵە بەڕێوبەری نووسینگەی بەڕێز ھێمن ھەورامی لە ھەردوو پۆستەکەیدا (مەکتەبی پەیوەندییەکانی دەرەوەی پارتی دیموکراتی کوردستان و بەرپرسی کاروباری سیاسی و دیپلۆماسی بارەگای بارزانی) و، لە ھەمانکاتدا کادیری ئەنجوومەنی ئاسایشی ھەرێمی کوردستان بووم.


‎دەستلەکارکێشانەوەی فەرمی خۆم لەم مینبەرەوە دەگەیێنمە پارتی دیموکراتی کوردستان و لایەنی پەیوەندیدار، ھیوادارم بە زوویی بگاتە نووسینگەی ڕێزدار جەنابی کاک مەسرور بارزانی و، پەسەندبکرێت.


‎بۆیە لەم واڵەوە ئەم دەستلەکارکێشانەوە ڕادەگەیێنم، ماوەی (١٠) مانگە لە ھەوڵدام گلەییەکانم و دەستلەکارکێشانەوەکەم بگەیێنمە بەردەستی ڕێزدار جەنابی کاک مەسرور بارزانی، بەڵام لەبەر ئەو بەربەست و ئاستەنگانەی کە بەڕێز ھێمن ھەورامی و چەند کەسێکی دیکەی نزیک لە جەنابیان بۆیان دروست کردم، نەمتوانیوە بە فەرمی ئەم دەستلەکارکێشانەوە پێشکەش بکەم.

 

‎تێبینییەکی گشتی بۆ ھەموو


‎لایەک:


یەکەم: ‎من سەنگەر ھەورامی کوڕی شەھیدی فەرماندە شەھید سەردار و برازای ھەردوو شەھیدی فەرماندە شەھید جەلال و شەھید سەباحی حاجی حسێن دەرەقەیسەریم و خاوەنی پۆلێک شەھیدی ترین و بنەماڵەکەمان ھەڵگری مەدالیای (رێزلێنانی بارزانی نەمرە)، کەس لافی پارتایەتی و کوردایەتی بەسەر ئێمەدا نەفرۆشێت.


دووەم: لێرەوە داوای لێبووردن لە ڕەفیق و دۆست و خزم و ڕاگەیاندکاران و کادیرانی حزب، لە خانەقینەوە تا دەگاتە زاخۆ دەکەم و تا مردن قەرزاری گەورەیی ئێوەم کەلە زۆر وێسگەی کارکردنمدا تا بە دوا ھەڵبژاردن دەگات ھاوکار و پشتیوانم بوون، ھەر لێرەشەوە دەستی ماندووبوونتان دەگووشم.


‎بۆیە چاوەڕێی بە زوویی پەسەندکردنی ئەم دەستلەکارکێشانەوەیەم، تا لە داھاتوودا لە پێگە و شوێنی دیکەدا درێژە بە کار و چالاکییەکانم بدە.

‎سەنگەر شەھید سەرداری حاجی حسێن دەرەقەیسەری
‎٢٠ی٧ی٢٠١٩

 

4542212072019_164.jpg

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure