يه‌كێتى
289 جار بینراوە 10/7/2019 03:39 PM

لاهور شێخ جه‌نگى هاته‌ ده‌نگ له‌سه‌ر باڵباڵێن و ته‌سفێ وحساب



سنور ميديا 

بەرپرسی ئاژانسی پاراستن و زانیاری/ زانیاریی هەرێمی كوردستان جەختدەكاتەوە، كە ئەنجامدانی كۆنگرەی یه‌کێتیی حەتمییە و بۆ "تەسفیەی حسابات نییە" و دەبێت لە شەش مانگی ئاییندەدا ئەنجام بدرێت و دەشڵێت" نە باڵم هەبووە نە باوەڕیشم بە باڵباڵێن هەیە".

 

لاهور شێخ جەنگی بەرپرسی ئاژانسی پاراستن و زانیاری/ زانیاریی هەرێمی كوردستان، لە میانی دیدارێکی ڕۆژنامەوانیدا لەگەڵ ڕۆژنامەی (ئاژانس) ڕایگەیاندووە" لە ماوەی یەك دوو ساڵی ڕابردوودا توانییان بە برایەتی و تەبایی ڕیزەكانی یەكێتیی چەندین كۆسپی قورس تێپەڕێنن و بەرنامەشیان هەیە كە بە هەمان ڕۆحییەتەوە كار بۆ بەستنی كۆنگرە بكەن".

 

وتیشی" وەك چۆن لە نێو ڕیزەكانی پێشمەرگەدا توانای نوێ دەهێنرێنە پێشەوە و سپاردنی بەرپرسیاریەتی پێیان، پێویستە لە نێو یەكێتیشدا بە هەمان شێوە توانای نوێ پێشبخرێن و ڕێزیش لە ڕابردووی ئەو كەسایەتییانەش بگیرێت كە بە درێژایی 40 ساڵی ڕابردوو لە نێو یەكێتییدا خەباتیان كردووە".

 

لاهور شێخ جەنگی ئاماژەی بەوەدا"من هەموو یه‌کێتیی بە هی خۆم دەزانم و خۆشم بە هی هەموو یه‌کێتیی دەزانم، وەكو باسم كرد بەو پێكەوەكاركردنەی ماوەی ڕابردوومان، توانیومانە بەسەر كۆسپی زۆر گەورەدا سەركەوتنی زۆر گەورە بە دەست بهێنین، لە دوو هەڵبژاردنی چارەنووسسازدا، لە عێراق و هەرێم، یه‌کێتیی بەرەوپێشچوونی بەرچاوی بەخۆوە بینی. هەم لە دانان و كاتی هەڵبژاردنی سەرۆككۆمار لە بەغدا بینیمان كە ئەو پێكەوەكاركردن و كۆدەنگییەی هەمانبوو لەناو یه‌کێتیی، توانیمان سەركەوتنی گەورە بە دەست بهێنین و پۆستی سەرۆككۆمار بە ململانێیەكی قوورس لە بەغدا لە بەرژەوەندیی یه‌کێتیی یەكلا بكەینەوە".

 

هەروەها لەباسی بارودۆخی ناوخۆی یه‌کێتیی جەخت لەوە دەكاتەوە" كە ئەنجامدانی كۆنگرەی یه‌کێتیی حەتمییە و بۆ تەسفیەی حسابات نییە و دەبێت لە شەش مانگی ئاییندەدا ئەنجام بدرێت

 

لەبارەی بونی باڵەوە دەشڵێت" نە باڵم هەبووە نە باوەڕیشم بە باڵباڵێن هەیە".

 

لاهور شێخ جەنگی، جەخت لەوە دەكاتەوە، كە سەرجەم كاندیدەكانی یه‌کێتیی نیشتیمانیی كوردستان بۆ كابینەی نوێی حكومەت بە كاندیدی خۆی دەزانێت و ئاشكراشی دەكات كە ماوەی ساڵێكیان داناوە بۆ چاودێریكردنی نوێنەرانی یه‌کێتیی لە حكومەت و ئەگەر ئەدایان باش نەبێت لا دەبرێن و دەشڵێت"قبووڵی ناكەین چوار ساڵی داهاتوو وەكو چوار ساڵی ڕابردوو، زۆنی سەوز پشتگوێ بخرێت، دەبێت هەوڵ بدەین لەم ساڵانەی ئاییندەدا ئەو غەدرانەی ڕابردوو لا ببرێن و ڕاست بكرێنەوە".

 

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure