لاهور شێخ جەنگی
262 جار بینراوە 10/7/2019 08:42 AM

لاهور شێخ جەنگی: یەكێتی تەنها لایەنە بتوانێت پارسەنگی هێز ڕابگرێت



سنور ميديا 

لاهور شێخ جەنگی جەختدەكاتەوە لە گرنگی سپاردنی بەرپرسیاریەتیی بە توانای نوێ لە نێو ڕیزەكانی یەكێتیی نیشتمانیی كوردستان و دووپاتیشیكردەوە كە یەكێتی تەنها لایەنە بتوانێت پارسەنگی هێز ڕابگرێت.

 

لە میانی بەڕێوەچوونی ڕێوڕەسمی كۆتاییهاتنی خولێكی ئەفسەران كە لە فەرماندەیی گشتی هێزەكانی 70 بەڕێوەچوو، لاهور شێخ جەنگی ڕایگەیاند، لە ماوەی یەك دوو ساڵی ڕابردوودا توانییان بە برایەتی و تەبایی ڕیزەكانی یەكێتیی چەندین كۆسپی قورس تێپەڕێنن و بەرنامەشیان هەیە كە بە هەمان ڕۆحییەتەوە كار بۆ بەستنی كۆنگرە بكەن.

 

لاهور شێخ جەنگی ڕاشیگەیاند، وەك چۆن لە نێو ڕیزەكانی پێشمەرگەدا توانای نوێ دەهێنرێنە پێشەوە و سپاردنی بەرپرسیاریەتی پێیان، پێویستە لە نێو یەكێتیشدا بە هەمان شێوە توانای نوێ پێشبخرێن و ڕێزیش لە ڕابردووی ئەو كەسایەتییانەش بگیرێت كە بە درێژایی 40 ساڵی ڕابردوو لە نێو یەكێتییدا خەباتیان كردووە.

 

هەروەك، لاهور شێخ جەنگی پێویستیی یەكێتیی بۆ خەباتی گەلی كورد دووپاتكردەوە و ئاماژەی بەوەدا، بە بێ یەكێتی كوردبوون و كوردستان مەحاڵە و لەگەڵ ئەوەشدا كە یەكێتی ئەگەر كەموكورتیشی هەبێت، بەڵام تەنها حزبە كە بتوانێت پارسەنگی هێز ڕابگرێت و بەرگری لە دۆزی ڕەوای گەلەكەمان لە هەر چوار پارچەی كوردستان بكات.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure