سنور ميديا
2172 جار بینراوە 9/7/2019 01:02 AM

به‌يارمه‌تى پاراستنى پارتى ديار غه‌ريب شه‌هيدبووه‌ و پلانه‌كه‌ ئاشكرا ده‌بێت



سنور ميديا 

ماڵپه‌ڕی لێکۆڵین، کە تایبەتە بە لێکۆڵینەوە، دەربارەی شەهیدکردنی دیار غەریب، ئەندامی کۆنسەی سەرۆکایەتی کەجەکە زانیاریی بڵاوکردووەتەوە و ده‌ڵێت، "ده‌زگای پاراستنی پارتی دیموكراتی كوردستان هاوکاری سەرکی میت بووە لە ئۆپەراسیۆنەکەدا".

 

به‌پێی میدیاكانی نزیك له‌ په‌كه‌كه‌، ئەمڕۆ ماڵپه‌ڕی لێکۆڵین، بە زمانی تورکی لێکۆڵینەوەیەکی لەسەر شەهیدکردنی دیار غەریب بڵاوکردووەتەوە، کە تێیدا سوودی لە سەرچاوە هەرێمییەکان وەرگرتووەو چەند زانیارییەکی لە زاری شایەتحاڵانەوە بڵاوکردووەتەوە.

 

بەپێی زانیارییەکان، پێنجی ئەم مانگە، دیار غەریب لەگەڵ کۆمەڵێک لە هاوڵاتیانی گوندەکانی بناری قەندیلدا کۆبووەتەوە، کە لە ناویاندا چەند ئەندامێکی پاراستنی پارتی هەبووە، لەمبارەیەوە سەرچاوەیەک لە پاراستنی پارتییەوە کە بەشداریی کۆبوونەوەکە بووە، بە لێکۆڵین-ی ڕاگەیاندووە، "چەند ئەندامێکی پاراستن ئەرکدارکراون بە شداریی ئەو کۆبوونەوەیە بکەن و زانیاری ورد بدەنە میتی تورکیا".

 

زانیارییەکان باس لەوە دەکەن، "دیار غەریب لە کۆبوونەوەکەدا بە هاوڵاتیانی وتووە، بەرپرسانی باشور دەیانەوێت ئەو کۆمەڵکوژییانەی تورکیا دەیکات بیخەنە ئەستۆی پەکەکە، بۆ ئەوەش ئەمڕۆ لەگەڵ شاندێکی پارتی دیموکراتی کوردستان- پ د ک کۆدەبینەوە"، بەوپێیە، 5ی مانگ دیار غەریب مەوعیدی لەگەڵ شاندێکی پارتیدا هەبووە، ئەوەش لەسەر داوای پارتی بووە کە کۆببنەوە.

 

به‌پێی ماڵپه‌ڕه‌كه‌، "دوای ئەوەی دیار غەریب کۆبوونەوەکەی لەگەڵ هاوڵاتیان جێدەهێڵێت و لەگەڵ دوو گەریلادا لە سنوورەکە دوور دەکەوێتەوە بە مەبەستی ڕۆشتن بۆلای شاندەکەی پارتی، لە کەمترین کاتدا و هەر لەو سنوورەدا دەبێتە ئامانجی هێرشی فڕۆکە جەنگییەکان و لەگەڵ دوو گەریلادا شەهید دەبن".

 

بەپێی ئەو زانیارییانەی لێکۆڵین لە سەرچاوەکەیەوە وەریگرتووە، "ئەو ئەندامانەی پاراستن ناسراونەتەوە و ناوەکانیان لە بەردەستی ئەواندایە، بەڵام لە ئێستادا ئاشکرایان نەکردووە، ئەوەی جەختی لەسەر کراوەتەوە ئەوەیە، کە پاراستنی پارتی لەڕێگەی ئەندامەکانییەوە هاوکاری سەرەکیی دەزگای سیخوڕیی میت-ی تورکیا بووە لە کردەوەدا".

 

دوێنێ یه‌كشه‌ممه‌ ئاژانسی ئه‌نادۆڵ-ی توركی بڵاویكرده‌وه‌، دیار غه‌ریب له‌ ئۆپه‌رسیۆنێكی سوپای توركیا و میتی توركیادا كوژراوه‌.

 

دوای ئه‌و رگه‌یه‌ندراوه‌ش کەجەکە ڕایگەیاند، "بە سیخوڕیی خیانەتی ناوخۆیی باشور هەڤاڵانمان شەهیدکراون و دەبێت سزای خۆیان وەرگرن".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure