پارتى
216 جار بینراوە 2/7/2019 01:17 PM

پارتی وەک خیانەتکار ڕێگە بۆ داگیرکاریی خۆشدەکات



سنور ميديا 

هاوسەرۆکی کۆدار رایدەگەێنێت "بێدەنگیی یەکجاری لایەنە سیاسییەکانی باشور لە بەرامبەر ئەم کردەوانە نیشانەی هاوکاریی بۆ بەرەوپێشبردنی بەرنامەکانی دەوڵەتی تورکیا بۆ لەناوبردنی گەلی کوردە".


فوئاد بێریتان هاوسەرۆکی کۆمەڵگای دیموکراتیک و ئازادی ڕۆژهەڵاتی کوردستان- کۆدار، لە دیدارێکی رۆژنامەوانیدا لە کەناڵی ئاریەن تیڤی ڕەخنەی لە بێدەنگی لایەنە سیاسییەکانی باشور گرتووە و رایگەیاندوە "بێدەنگیی یەکجاری لایەنە سیاسییەکانی باشور لە بەرامبەر ئەم کردەوانە نیشانەی هاوکاریی بۆ بەرەوپێشبردنی بەرنامەکانی دەوڵەتی تورک بۆ لەناوبردنی گەلی کوردە، ئەگەر گیانی خەڵکی کورد بۆ دەسەڵاتدارانی باشور گرنگ بووایە ئەم بێدەنگیی و چاوپۆشییەمان لەلایەن پارتەکانەوە نەدەبینی".

 

هاوسەرۆکی کۆمەڵگای دیموکراتیک و ئازادی ڕۆژهەڵاتی کوردستان- کۆدار ئاماژەی بەوەدا "تورکیا هەوڵدەدات بە داگیرکردنی خواکورک، خنێرە و کۆمەڵیک جێگای دیکەی کوردستان بکاتە مۆڵگەی تیرۆرستان و پاشماوەکانی داعش و گروپە تیرۆریستیەکانی تێدا بەجێی بکات، سنوورەکانی زاخۆ تا قەندیل باشترین شوێن بۆ بەجێگیرکردنی چەکدارەکانی".

 

هاوسەرۆکی کۆمەڵگای دیموکراتیک و ئازادی ڕۆژهەڵاتی کوردستان وتی "پارتی وەک گروپێکی بەکرێگیراو و خیانەتکار ڕێگە بۆ داگیرکاریی زیاتر لە کوردستان خۆشدەکات، ئەم گروپە بەکرێگیراوە هەروەها هاوکاری دەوڵەتی تورکە لە کپکردنی دەنگی ناڕەزایەتی گەل، شۆڕشگێڕان و تێکۆشەرانی کۆمەڵگای مەدەنی".


هاوسەرۆکی کۆدار بە گرنگی بوونی پەکەکە لە باشوری کوردستان باس کردووە و وتی "بوونی پەکەکە هۆکاری داگیرکردنی باشوری کوردستان نییە، بوونی پەکەکە بە واتای بەرخۆدان و تێکۆشان دژی داگیرکارییە، دژایەتی و هەوڵدان بۆ لەناوبردن یان بێکاریگەرکردنی بیر وفەلەسەفەی ڕێبەر ئۆجالان لە ئامانجەکانی وەها بەرنامەیەکە لە نێوان پارتی و دەوڵەتی تورک، ڕاگەیاندنەکانی سەر بە پارتی، حەقیقەت و ڕاستییەکان چەواشە دەکەن، ئەمانە بەشێکن لە دەزگای شەڕی تایبەت".


لە بەشێکی دیکە قسەکانیدا فوئاد بێریتان ئەوەی وت "دەوڵەتی تورک و ڕژێمی داگیرکەری ئێران بە دروستکردنی هاوپەیمانی هەوڵدەدەن قەندیل بێکاریگەر بکەن، دژایەتی دەستکەوتەکان و بەرژەوەندییەکانی گەلی کورد لە کوردستان و ناوچەکە بەشێکن لە ڕێککەوتنەکان و ئامانجە بنەڕەتییەکانی ئەم دوو وڵاتە".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure