حكومەتی ھەرێم
149 جار بینراوە 29/6/2019 11:34 AM

پاش دوو ڕۆژ له‌ بۆردومانى خاكى هه‌رێم به‌يانێكى دژى په‌كه‌كه‌ ده‌ركرد



سنور ميديا 

حكومەتی ھەرێمی كوردستان راگەیەندراوێكی لەبارەی بۆردوومانەكانی توركیا و بوونی چەكدارانی پەكەكە لە ناوچە سنوورییەكانی باشووری كوردستان بڵاو دەكاتەوە و رایدەگەیەنێت "چه‌كدارانی‌ پەكەكە بێباكانه‌ ژیانی‌ گوندنشینانی‌ ناوچە سنوورییەكانیان خستووەتە مه‌ترسییه‌وه‌ و ده‌بێ په‌كه‌كه‌ له‌ گوندنشینان دووركه‌ونه‌وه‌".

 

لە راگەیەندراوەكەی حكومەتی ھەرێم ھاتووە: "هه‌بوونی‌ چه‌كدارانی‌ په‌كه‌كه‌ له‌و ناوچانه‌ و نزیكبوونه‌وه‌ و هاتنی‌ به‌ ئه‌نقه‌ستیان بۆ ناو گوند و ئاواییه‌كان، بێباكانه‌ ژیانی‌ گوندنشینانی‌ ئه‌و ناوچانه‌ی‌ خستووه‌ته‌ مه‌ترسییه‌وه‌، هه‌روه‌ها بووه‌ته‌ رێگر له‌ گه‌ڕانه‌وه‌ی‌ ژیان و ئاوه‌دانكردنه‌وه‌یان".

 

ئاماژە بەوەشكراوە: "حكومه‌تی‌ هه‌رێمی‌ كوردستان قبووڵ ناكات و رێگه‌ نادات خاكه‌كه‌ی‌ بۆ هێرشكردنه‌سه‌ر و تێكدانی‌ ئاسایشی‌ وڵاتانی‌ دراوسێ به‌كار بهێنرێت و به‌و هۆیه‌وه‌ ژیانی‌ هاوڵاتیانی‌ هه‌رێمی‌ كوردستان بكه‌وێته‌ مه‌ترسییه‌وه". ‌

 

لە بەشێكی دیكەی راگەیەندراوەكەدا ئاشكرا كراوە: "حکومه‌تی هه‌رێمی کوردستان ده‌رباره‌ی رووداو و بۆمبارانه‌کانی چه‌ند رۆژی رابردووی ناوچه‌ سنوورییه‌کان، نیگه‌رانیی خۆی گه‌یاندووه‌ته‌ تورکیا و داواکارین دووباره‌ نه‌بنه‌وه‌".


دەقی راگه‌یه‌ندراوی حکوومه‌تی هه‌رێمی کوردستانه‌وه‌:

 

حكوومه‌تی‌ هه‌رێمی‌ كوردستان دڵگرانی‌ و نیگه‌رانیی‌ قووڵی‌ خۆی‌ بۆ كه‌وتنه‌وه‌ی‌ قوربانیانی‌ سڤیل له‌ ئه‌نجامی‌ بۆمبارانی‌ ناوچه‌ سنوورییه‌كان له‌گه‌ڵ توركیا ده‌رده‌بڕێت و سه‌ره‌خۆشی له‌ خانه‌واده‌ و که‌سوکاریان ده‌کات.

 

هه‌بوونی‌ چه‌كدارانی‌ په‌كه‌كه‌ له‌و ناوچانه‌ و نزیكبوونه‌وه‌ و هاتنی‌ به‌ئه‌نقه‌ستیان بۆ ناو گوند و ئاواییه‌كان، بێباكانه‌ ژیانی‌ گوندنشینانی‌ ئه‌و ناوچانه‌ی‌ خستووه‌ته‌ مه‌ترسییه‌وه‌، هه‌روه‌ها بووه‌ته‌ رێگر له‌ گه‌ڕانه‌وه‌ی‌ ژیان و ئاوه‌دانكردنه‌وه‌یان.

 

حكوومه‌تی‌ هه‌رێمی‌ كوردستان قبووڵ ناكات و رێگه‌ نادات خاكه‌كه‌ی‌ بۆ هێرشكردنه‌سه‌ر و تێكدانی‌ ئاسایشی‌ وڵاتانی‌ دراوسێ به‌كار بهێنرێت و به‌و هۆیه‌وه‌ ژیانی‌ هاووڵاتیانی‌ هه‌رێمی‌ كوردستان بكه‌وێته‌ مه‌ترسییه‌وه. ‌

 

ناوچه‌ گوندنشینه‌كانی‌ سنوور ده‌بێ نه‌كرێنه‌ مه‌یدانی‌ پێكدادانی‌ سه‌ربازی‌ و بۆمباران، چه‌كدارانی‌ په‌كه‌كه‌ش ده‌بێ له‌ گوندنشینان دووركه‌ونه‌وه‌ و نه‌یانخه‌نه‌ مه‌ترسییه‌وه‌.

 

حکومه‌تی هه‌رێمی کوردستان ده‌رباره‌ی رووداو و بۆمبارانه‌کانی چه‌ند رۆژی رابردووی ناوچه‌ سنوورییه‌کان، نیگه‌رانیی خۆی گه‌یاندووه‌ته‌ تورکیا و داواکارین دووباره‌ نه‌بنه‌وه‌.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure