كه‌ش و هه‌وا
619 جار بینراوە 27/6/2019 08:28 PM

هه‌واڵێكى خۆش له‌كه‌ش و هه‌واوه‌



سنور ميديا 

كەشناسێكی عیراقی پێیوایە، پلەی گەرما بەشێوەیەكی پلەبەندی لە سبەینێ‌ هەینییەوە ڕوو لە دابەزینبكات، مزگێنیش دەدات لەبارەی نەخشەی كەشوهەوای مانگی تەمموزەوە.

 

سادق عەتیە، كەشناسی عیراقی لە پەیجی تایبەتی خۆی لەسەر تۆڕی كۆمەڵایەتی (فەیسبوك) نوسویەیتی"لە سبەینێ‌ هەینییەوە پلەی گەرما ڕوو لە دابەزین دەكات، لە ناوەڕاستی هەفتەی داهاتووش، بەشێوەیەكی تێبینیكراو پلەی گەرما لە هەموو شارەكاندا دادەبەزێت".

 

سادق عەتیە ڕایگەیاندووە"بەپێی نەخشەكانی كەشناسی، سەرەتای مانگی تەمموز مزگێنی بەخشە".

 

پێشتر دەزگای كەشناسی عیراق، باریی كەشوهەوای بۆ ماوەی 5 ڕۆژ دیاریی كردبوو، پێشبینیشی كردبوو پلەی گەرما لە هەندێك ناوچەدا بگاتە 50 پلەی سەدی.

 

دەزگای كەشناسی عیراق پێشبینی كردبوو، ئەمڕۆ پێنج شەممە، ساماڵ و گەرم بێت، بەبێ‌ گۆڕانكاریی پلەی گەرما لە ناوچەكانی باكوور و ناوەڕاست، لەگەڵ كەمێك بەرزبوونەوە لە ناوچەكانی باشوور، بەجۆرێك كە بەرزترین پلە دەگاتە 50 پلەی سەدی.

 

كەشناسی عیراق ئاماژەی بە دابەزینی پلەی گەرماش كردبوو لە ڕۆژی هەینی، بە جۆرێك كە لە ناوچەكانی باكوور و ناوەڕاست چەند پلەیەك دادەبەزێت، بەبێ‌ ئەوەی ناوچەكانی باشوور لەو ڕووەوە گۆڕانكاریی بەخۆوە ببینن.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure