.
354 جار بینراوە 27/6/2019 12:54 PM

یونس ڕاویی؛حیجاب و نیقاب کلتورێکی بیابانییە



سنورمیدیا-زانیار محەمەد

 

یونس ڕاویی،ڕاوێژکاری یاسایی و توێژەر لە هزری ئاینی داوای قەدەغەکردنی نیقاب دەکات و ڕایەگەیەنێت؛"نیقاب سوکایەتیە بە ژن و نیقاب نەک شەریعەتى محەمەد نیە، بەڵکو بەشێکە لە شەریعەتى شەیتان -ئیسلامى سیاسى".

 

یونس ڕاویی لە نوسینێکدا لە پێگەی تایبەتی خۆیی لە تۆڕی کۆمەڵایەتی فەیسبووک نوسینێکی بڵاوکردەوە و ڕایگەیاند؛"حیجاب و نیقاب لە بنەڕەت کلتورێکى بیابانى (سینا)یە".

 

ئەو توێژەرە ئەوەشی وتووە؛"حیجاب و نیقاب لە بنەڕەت کلتورێکى بیابانى (سینا)یە، عەرەبى جاهیلیش لەوانیان سەندووە، لە (یەسریب)ى کۆن لاساییان کردوونەتەوە، دواجار (موعاویەى کوڕى ئەبو سوفیان) دەیخاتە نێو دینى ئەمەوى، ئیمام (مالیکى کوڕى ئەنەس)یش رایدەگێنێت: "هەموو داب و نەریتێکى عەرەب، بەشێکە لە دینى ئیسلام، پاڵپشت بە ئایەتى (199)ى سوڕەتى (ئەلئەعڕاف)". ئاماژەی بەوە داوە؛"بەڵام ئەمانە هەمووى بوهتانە بۆ خودا و پەیامهێن (دروودى لەسەر)، نیقاب نەک شەریعەتى موحەممەد نیە، بەڵکو بەشێکە لە شەریعەتى شەیتان -ئیسلامى سیاسى-، ئەوان بۆ گەیشتن بە مەرامى سیاسى، بەرژەوەندى ئابوورى و دەسەڵات، ئامادەن بازرگانى بە گیانى کیژانى کورد بکەن، کاهینەکان نانیان بەستراوەتەوە بە درۆ کردن بەناوى خودا".

 

یونس ڕاویی وتوشیەتی؛"سوڕەتى (ئەلئەعراف)، ئایەتى (26)، دەربارەى پۆشاکى پیاو و ژن دەفەموێت: "ئەى نەوەکانى ئادەم ئێمە جلمان بۆ دابەزاندوون تا شوێن شەرمتان داپۆشێت لەگەڵ پەڕ و جلى لەخواترسان..". فوقەهاکانى (موعتەزیلە) شوێن شەرمى ژن لە سینەوە بۆ ئەژنۆ پۆشین پێناس دەکەن. نیقاب سوکایەتیە بە ژن، وەسف کردنیەتى بەوەى ئەم جگە لە پارچەیەک شەهوەت و عەوڕەت شتێکى دیکە نیە، ئاخر شاردنەوە رووخسار، واتە سڕینەوەى کەسایەتى، نەناسینەوەى لەلایەن دام و دەزگاى دەوڵەت و خەڵک و تەنانەت کەس و کارى خۆیشى. نیقاب تانە دانە لە ئەخلاقى پیاو، بەوە ناتوانێ چاو بپۆشێ لە ئاستى رەگەزى بەرامبەر، بێ تەربیەتیەکەیشى گەیشتۆتە ئەم ئاستە، بە بینینى تاڵێک مووى پرچى ژنێک تووشى بەڵا و موێیبەتى دونیا و قیامەت ببێتەوە".

 

ئەوەشی خستووەتە ڕوو؛"دەبیستم زۆرجار کاهینانى (حەشەوییەت) ژنى مونەقیبە، بە چوکڵاتى داخراو، یان مەێاێەى پێچراو دەشوبهێنن، ئەمە دوو ماناى هەیە، یەکەم: گاڵتە جارییە بۆ ئاستى عەقڵییان. دوومیش: ژن بە خواردن تێگەیشتوون!.ئەمانەى دەڵێن نیقاب دینە، دووبارە دەنگى فەقیهەکانى یەمەن و سۆدانى موتەخەلیفن، کە دەیانگوت: ژن نابێت بخوێنێت و فێربێت، زانست و زانین تەنها بۆ پیاوانە، ژن دەبێ لە قوژبنى ماڵ خەریکى خزمەتى شەهوەتى پیاو، منداڵنانەوە، پاکردنەوە بێت".

 

داواشی هەیە؛"بۆیە پێویستە وەزیرى پەروەردە و فێرکردن، لە رێگاى گشتاندنى فەرمانێکى وەزارى، رێنمایى دەربکات، بە یەک رەنگ پۆشى بۆ سەرجەم قوتابیان، قەدەخەکردنى نیقاب بەشێوەیەکى رەها -مامۆستا و قوتابى-، ئینجا قەدەخەکردنى حیجاب بۆقوتابیانى مناڵى خوار پانزە ساڵ ، چونکە سەپاندنى کلتورێکى وەها، دژى ئازادى و مافى منداڵ و کلتوورى کوردە".

 

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure