ماددەی هۆشبەر
154 جار بینراوە 26/6/2019 04:28 PM

ئاماری ترسێنەری شەش مانگی ئەمساڵی ماددەی هۆشبەر بڵاوکرانەوە



سنور ميديا

سەرپەرشتیاری هەڵمەتی بەرەنگاربوونەوەی ماددە هۆشبەرەکان بە هاوبەشی لەگەڵ بەڕێوەبەرایەتی بەرەنگاربوونەوەی ماددە هۆشبەرەكان لە ئاسایشی سلێمانی، داتای شەش مانگی ئەمساڵیان ڕاگەیاند.


هاوکار ڕەفیق، سەرپەرشتیاری هەڵمەتی بەرەنگاربوونەوەی ماددە هۆشبەرەکان لە ماوەی شەش مانگدا لە کۆنگرەیەکی ڕژنامەوانیدا ڕایگەیاند " ساڵانە بەکارهێنان و بازرگانیکردن بە ماددەی هۆشبەرەوە لە هيڵکشاندایە، تەنیا لە بازگەی بانی مەقان ١٠ ڕۆژ لەمەوبەر نزیکەی ٥٠ کیلۆ ماددەی هۆشبەر دەستی بەسەردا گیراوە"


ئاماژەی بۆ ئەوەشکرد" مامەڵەکردن بە حەپی ترامادۆڵ و هاوشێوەیەکانی لە هەڵکشاندایە تەنیا لە یەک ئۆپەراسێۆندا لە چوارەمڕۆژی جەژندا، لە بازگەی بانی مەقان ٧ ملیۆن حەپ و دەرزی بێهۆشکەر لە مەشایەیەکدا دەستی بەسەردا گیرا"


ئەوەشی روونکردەوە" ئەمڕۆ لە نوسینگەی پەرلەمان کۆبونەتەوە بۆ ئەوەی پرۆژە یاسای ژمارە ٥٠ی ساڵی ٢٠١٧ی پەرلەمانی عێراق تایبەت بە ماددەی هۆشبەر، لە پەرلەمانی کوردستان کاریپێبکرێت و نافز بکرێت، چونکە یاسایی ژمارە ٦٨ی ساڵی ١٩٦٥ وەک پێوست ناتوانێ مامەڵە لەگەڵ ماددەی هۆشبەر بکات"


هەروەها جەلال ئەمین بەگ ئاماری كار و چالاكییەكانی تایبەت بە هێزەكانیان راگەیاند و گوتی: "لە میانی شەش مانگی یەكەمی ئەمساڵدا ئەو كەسانەی لەسەر بازرگانیكردن و بەكارهێنانی ماددە هۆشبەرەكان گیراون گەیشتووەتە 160 كەس، بەداخەوە لەنێو گیراوەكاندا ژنان و منداڵانی خوار تەمەن 18 ساڵان هەیە كە بازرگانی و بەكارهێنەرن".


جەلال ئەمین بەگ گوتی: "ئامارەكان جێگای نیگەرانین كە لە شەش مانگی یەكەمی ئەمساڵدا تۆماركراون، ئەوەش بەراورد بە ساڵی رابردوو كە 240 كەس بووە زیاتر بووە و تا شەش مانگی داهاتوو ژمارەكە بەرزتر دەبێتەوە".


بەرپرسەكەی ئاسایش ئەوەشی گوت "وەك ئاسایشی سلێمانی هەست دەكەین ئەو ماددە هۆشبەرانە بە پلان هێنرابن و لە شارەكانی هەرێم بڵاو بكرێنەوە، مەترسی ئەوەشمان هەیە ناوچەكەمان ببێتە ترانزێت و ماددە هۆشبەرەكان بەسەرمان تێپەڕێنرێت، وەك ئەوەی لەماوەی رابردوودا چەندین ماددەی جۆراوجۆرمان گرت كە هەوڵی گەیاندنیان بە ئەورووپا دەدرا".

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure