سنور ميديا
131 جار بینراوە 25/6/2019 12:25 PM

ئەو کەسەی دەستدرێژی سێکسی کردەسەر دلین بڕیاری لەسێدارەدانی بۆ دەرکرا



سنور ميديا 

دوای 20 رۆژ ئەمڕۆ سێ‌ شەممە 25ی حوزەیرانی 2019 دادگای دهۆک بڕیاری لە سێدارەدانی بۆ بکوژی دلین وەلید دەرکرد.

 

ئەمڕۆ بە ئامادەبوونی کەسوکاری دلین بکوژی دلین وەلید دادگایی کرا و هاوکات لەگەڵ بکوژی دلین تۆمەتبارێکی دیکە کە برای تۆمەتباری سەرەکییە و ئاگاداری رووداوەکە بووە دادگایی کرا .


دلین وەلید، تەمەن 10 ساڵان، ئێوارەی رۆژی 5-6-2019 لە نزیك ماڵی خۆیان لە سەنتەری شاری دهۆك ون بوو، دوای سێ‌ رۆژ تەرمەكەی لەنێو باخێكدا لە نزیكەی یاریگەی دهۆك دۆزرایەوە. پاشان پۆلیس كەسێكی بە تۆمەتی كوشتنی دەستگیر كرد.

 

پۆلیس لە رێگەی كامێرای چاودێرییەوە بەدواداچوونی بۆ ونبوونی دلین كرد، چەند كەسێكی بەو تۆمەتە دەستگیر كرد كە لەگەڵ دلین بینراون، یەكێك لەوانە بكوژەكە بوو بە ناوی (ن.س) كە تەمەنی 47 ساڵە و باوكی دوو منداڵە.

جەستەی دلین بە جۆرێك شێوێندرابوو، چوار رۆژ تەرمەكەی لە پەیمانگەی دادپزیشكی دهۆك مایەوە. دوای پشكنین و توێكاری، رۆژی 12/6/2019 رادەستی كەسوكارەكەی كرایەوە.

كوشتنی دلین بەشێوەیەكی دڕندانە بوو، بۆیە كاردانەوەی زۆری بەدوادا هات، تاوەكو ئێستا چوار گردبوونەوە لە دهۆك كراون و زۆربەی ئەوانەی بەشدارییان لە گردبوونەوانەدا كردووە، داوای لە سێدارەكانی بكوژی دلینیان كردووە

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure