پشتیوان سادق
366 جار بینراوە 25/6/2019 12:21 AM

پشتیوان سادق لەسەر كچە باڵاپۆشەكە هاتەدەنگ



سنور ميديا 

لەكاتی بەڕێوەچونی ڕێوڕەسمی ڕاگەیاندنی ئەنجامی ئەزموونە گشتییەكانی پۆلی 9ی بنەڕەتی و 12ی ئامادەیی و ڕاگەیاندنی ناوی یەكەم و دووەم و سێیەمەكان، چەند دیمەنێك لە تۆڕە كۆمەڵایەتییەكان بوونە جێگەی باس بەتایبەت دیمەنی بردنە دواوەی كچێكی باڵاپۆش ڕەخنەی زۆر لە وەزیر و وەزارەتی پەروەردە گیرا.

 

لەوبارەیەوە وەزیری پەرەوەردەی حكومەتی هەرێم ڕایدەگەیەنێت، ئەگەر تەنیا جێگەی كچە باڵاپۆشەكە گۆڕدرابێت، من بەرپرسیاریەتی هەڵدەگرم.

 

پشتیوان سادق وەزیری پەروەردەی حكومەتی هەرێمی كوردستان لەمیانی بەشداریكردنی لە پڕۆگرامێكی كەناڵی ڕووداو ئاماژەی بەوەدا:"هەموو ئەو شتانەی دەربارەی ئەو كچە دەوترێت ڕاست نییە و دروستكراوە، ئەگەر بەتەنها جێگەی ئەو قوتابییەش گۆڕدرابێت ئەوە من بەرپرسیارێتی هەڵدەگرم".

 

پشتیوان سادق ڕاشیگەیاند:"سەرەتا ناوی پۆلی نۆی بنەڕەتی ڕاگەیەیەندرا كە تەمەنیان بچووكترە و باڵایان نزمترە، دواتر پۆلی 12ی ئامادەیی كە لەوان باڵایان بەرزترە، پاشان ناوی پیشەییەكان خوێندرایەوە كە تەمەنیان لەوان گەورەترە، بەوشێوەیەش ئەوانەی كەوتنە پێشەوە باڵایان بەرزبوو، بۆیە لیژنەی ڕێكخستنی ڕێوڕەسمەكە جێگەی زیاتر لە 15 قوتابی ئاڵوگۆڕ كرد".

 

لەبارەی ئەو ڤیدیۆیەی كە تێیدا بانگی كارمەندێك دەكات و ئاماژەیەك بۆ كارمەندەكە دەكات، وەزیری پەروەدە ئەوەی خستەڕوو:"ئەو ڤیدیۆیە دروستكراوە و مۆنتاژكراوە، ئەمشەو ڤیدیۆ ڕاستەكان بڵاودەكەینەوە".

 

پشتیوان سادق جەختیشی كردەوە:"ئەگەر بەتەنها ئەو كچە باڵاپۆشە شوێنی گۆڕدرابێت، من وەكو وەزیری پەروەردە هەموو بەرپرسیاریەتییەكەی هەڵدەگرم و كەواتە ئەوە من بوومە و بەقسەی من بووە، بەڵام لەو ڕێوڕەسمەدا شوێنی زیاتر لە 15 قوتابی ئاڵوگۆڕ كراوە".

 

وەزیری پەروەردەی حكومەتی هەرێم ڕوونیشیكردەوە:"منیش قبووڵی ناكەم جێگەی تەنها كچێك لەبەر ئەوەی باڵاپۆشە بگۆڕدرێت و بیباتە دواوە، چونكە ئەگەر بەو شێوەیە بوایە سەرەتا دەمانوت بەشداری مەكە، بەڵام ئەوە لەگەڵ سیاسەتی وەزارەتی پەروەردەش یەكناگرێتەوە".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure