ئاسايش
143 جار بینراوە 13/6/2019 01:50 PM

چه‌ند تاوانێك ڕاگه‌يه‌نرا



سنور ميديا

ئاسایشی گەرمیان سزادانی سێ تاوانباری بە تۆمەتی بەكارهێنانی ماددەی هۆشبەر و كڕینی چەك بە شێوەیەكی نهێنی دەستگیركرابوون.

 

لە راگەیەندراوێكدا كە بۆ سنور ميديا نێردراوه‌ ، بەرێوەبەرایەتی ئاسایشی گەرمیان، ئاشكرایكردووە" لە چوارچێوەی هەڵمەتە بەردەوامەكانی هێزەكانی بەرێوەبەرایەتی ئاسایشی گەرمیان سەبارەت بە پاراستنی سەرو ماڵی هاوڵاتیان و پاراستنی سنوورەكە لە هەر دیاردەیەكی نەخوازراو و دەستگیركردنی تاوانباران و ڕوو بە ڕووكردنەوەیان بە دادگا، لە چەند مانگی ڕابردوودا توانرا لە لایەن هێزەكانی بەرێوەبەرایەتی ئاسایشی گەرمیانەوە بە تۆمەتی بەكارهێنانی ماددەی هۆشبەر و كڕینی چەك بە شێوەیەكی نهێنی سێ تۆمەتبار دەستگیربكرێن".

 

دەشڵێت"پاش ئەوەی دۆسیەكەیان خرایە بەردەم دادەوری لیكۆڵینەوەو هەروەها پاش چەندین دانیشتنی دادگا و خستنەڕووی تەواوی بەڵگەكان و دانپیادانانی تاوانباران بە تاوانەكانیاندا كە لە خوارەوە ئاماژەیان پێ دراوە سەرەنجام لە لایەن سەرۆكایەتی دادگای تاوانەكانی كەركووك/گەرمیان بەم شێوەیە سزا دران:

1- ( ئه‌ .س . ر ) لە دایك بووی 1995 و دانیشتووی گەڕەكی(گردە گۆزینە)ی قەزای كەلار لە بەرواری1/3/2019 بە تۆمەتی بەكارهێنانی ماددەی هۆشبەر دەستگیركراوەو لە بەرواری12/6/2019 بە پێی ماددەی(14/2)ی هۆشبەر بە (3)سێ ساڵ زیندانی و بڕی(100,000)سەد هەزار دیناری عێراقی پێ بژاردن سزا درا.

 

2-(س . ئه‌ . ع ) لە دایك بووی 1993 و دانیشتووی(كانی مینا)ی قەزای پێنجوین بە تۆمەتی كڕینی چەك بە شێوەی نهێنی لە بەرواری28/3/2019 دەستگیركراوەو لە بەرواری12/6/2019 بە پێێ ماددەی(21)ی چەك بە (3)سێ مانگ و یەك رۆژ زیندانی سزا درا.

 

3- (ش . م . س)  لە دایك بووی 1997 و دانیشتووی شاری(مەریوان)ی ووڵاتی ئێران بە تۆمەتی كڕینی چەك بە شێوەی نهێنی لە بەرواری28/3/2019 دەستگیركراوەو لە بەرواری12/6/2019 بە پێێ ماددەی(21)ی چەك بە (3)سێ مانگ و یەك رۆژ مانگ زیندانی سزا درا. دواتر بۆ بەرسەربردنی ماوەی سزاكەیان هەر(3)سێ تاوانباری ناوبراو ڕەوانەی بەرێوەبەرایەتی چاكسازی گەورانی سلێمانی كران.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure