سنور ميديا
1168 جار بینراوە 13/6/2019 01:16 PM

ئامانجی سەردانی عادل عەبدولمەهدی بۆ هەرێمی كوردستان ئاشكرا ده‌بێت



سنور ميديا

بڕیاره‌ سه‌رۆك وه‌زیرانی‌ عیراق سه‌ردانی هه‌ولێر بكات و یه‌كێك له‌ ته‌وه‌ری كۆبونه‌وه‌كانیش تاوتوێكردنی‌ كێشه‌ هه‌ڵپه‌سێدراوه‌كانی‌ نێوان هه‌رێم و به‌غدا بێت.

 

عادل عەبدولمەهدی ئەمڕۆ پێنج شەممە سەردانی هەرێمی كوردستان دەكات‌و بڕیارە لەگەڵ نێچیرڤان بارزانی سەرۆكی هەرێمی كوردستان‌و مەسرور بارزانی راسپێراو بۆ پێكهێنانی كابینەی نوێ‌ كۆبوونەوە بكات.

 

بەپێی زانیاريه‌كان كه‌له‌ سەرچاوەیەكی ئاگادار ده‌ستكه‌وتوه‌، ئامانجی سەردانەكە بۆ پرسی نەوت‌و هێزەكانی پێشمەرگەو موچەو بودحەی هەرێمی كوردستانە.

 

هەر بەپێی زانیارییەكان لەبارەی نەوتی هەرێمی كوردستان عادل عەبدولمەهدی فشار دەكات، بۆ ئەوەی هەولێر مانگانە داهاتی بڕی 250 هەزار بەرمیل لەنەوت رادەستی بەغدا بكات.

 

زانیارییەكان باس لەوەش دەكەن، كە عەبدولمەهدی جگە لەو داواكارییە، هۆشداری ئەوە دەدات، ئەگەر هەولێر ئەو داهاتە رادەستی بەغدا نەكات، ئەوە حكومەتی عێراق بەشە بودجەو موچەی فەرمانبەرانی هەرێم دەبڕێت.

 

ئەمە لەكاتێكدایە، بەپێی یاسای بودجەی عێراق دەبێت هەولێر رۆژانە داهاتی 250 هەزار بەرمیل رادەستی بەغدا بكات، لەبەرانبەردا حكومەتی عێراق موچەو بودجەی هەرێمی كوردستان دەدات.

 

هەروەها ئامانجێكی تری سەردانەكەی عەبدولمەهدی بۆ پرسی گەڕانەوەی پێشمەرگەیە بۆ ناوچە كێشە لەسەرەكان‌و بڕیارە لەگەڵ بەرپرسانی هەرێم گفتوگۆ لەو بارەوە بكەن‌و رێككەوتن ئەنجامبدەن.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure