نێچیرڤان بارزانی
587 جار بینراوە 9/6/2019 01:10 AM

بەرپرسێک:گەشبین نیم بە چوار ساڵی ئایندەی نێچیرڤان بارزانی



سنورمیدیا

کاوە شێخ کەریم جێگری پارێزگاری هەڵەبجە ئەوە ڕووندەکاتەوە کە گەشبین نیە بە چوارساڵی ئایندەی سەرۆکی هەرێم و ئەوەش باس دەکات:"لە ڕابردوودا کاتتان نەبوو،ئەزانم ئێستاش کاتتان نیە بۆ گوێبیستی ئەم ڕەخنەیەش".

 

 

"بۆ دەستبەکار بوونتان چەند ملیۆن دینارێک خەرج دەکرێت بەڵام بۆ هەڵەبجە دینارێک نەبوو"

 

لە نوسینێکیدا جێگری پارێزگاری هەڵەبجە ڕایگەیاندووە:"رەخنەیەک لە سەرۆکی حکومەتی پێشوو و سەرۆکی هەرێمی ئێستا،.بە بۆنەی دەستبەکاربوونی بەڕێزیان و تێپەڕ بوونی چوار ساڵ بەسەر دەستبەکاربوونی یەکەم پارێزگاری هەڵەبجە دا،لە ڕابردوودا کاتتان نەبوو...ئەزانم ئێستاش کاتتان نیە بۆ گوێبیستی ئەم ڕەخنەیەش،١٠/٦ ڕۆژی یەکەمی دەستبەکاربوونی پۆستی نوێتە ویەک ڕۆژ لە دواتر چوار ساڵ بەسەر دەست بەکار بوونی پارێزگاری هەڵەبجە دا تێپەڕ دەبێت،چوار ساڵ لەمەوبەر کاتتان نەبوو بەشدار بن لە دەستبەکاربوونی یەکەم پارێزگاری پارێزگا نوێکەدا،بۆ دەست بەکار بوونی بەڕێزتان ئەوەی لە ڕاگەیاندنەکان دەبیستین چەند ملیۆن دۆلارێک خەرج دەکرێت بەڵام بۆ هەڵەبجە لەو ڕۆژەدا تاکە دینارێکیش خەرج نەکرا".

 

لە بەشێکی دیکەی نوسینەکەیدا ئاماژەی بەوەش کردووە:"لە چوار ساڵی ڕابردوودا ئەوەندە کاتت نەبوو سەردانێکی پارێزگا نوێ کە بکەیت بزانیت ئایا ئەو بڕیارانەی دەرتکردووە چەندە جێبەجێ کراوە، بڕیار و فەرمانی گرنگ و بەواژووی بەڕێزتان دەرکراوە بەڵام پەکی خراوە لەلایەن وەزیرێک یان خوارتر ڕێز لە واژووی بەڕێز سەرۆکی هەرێمی پێشوو و وە بەڕێزتان نەگیراوە و هیچ کەس بۆی نەبووە لێپرسینەوەیان لێ بکات بە بیانوو و پاساوی بێ بنەما".

 

 

"گەشبین نیم بە چوار ساڵی ئایندە بەڵام هیوادارم هەڵە بم "

 

جێگری پارێزگاری هەڵەبجە ئەوەشی ڕاگەیەندووە:"گەشبین نیم بە چوار ساڵی ئایندە بەڵام هیوادارم هەڵە بم و بەڕێزتان لە پۆستی سەرۆکی هەرێم قەرەبووی کەمتەرخەمی ساڵانی رابردوو بکەنەوە بەرامبەر بەم پارێزگایە وە بەڕێز سەرۆکی نوێی حکومەتیش کاتی هەبێت گوێبیستی گرفت و سکاڵا و داواکاریەکان بێت".

 

 

"باش ئەزانم بە فیعلی دوو ئیدارەیی هەبوو"

 

ناوبراو ئەوەشی ڕونکردووەتەوە:"بەڕێزتان خۆتان بەسەرۆکی حکومەتی هەرێم داناوە و باش ئەزانم بە فیعلی دوو ئیدارەیی هەبوو لەگەڵ ئەوەی بە ڕۆتین و لە ووتارو نوسراوەکان یەک حکومەت هەبوو بەڵام ئەوە پاساوی سەردان و تەرخاننەکردنی کات نیە بۆ گوێبیستی گرفتەکان و بەدواداچوونی فەرمانەکانتان و پەکخستنی بڕیارەکانتان و هەندێک لەو وەزیر و سەرۆکی دەستەو لە نزیکەکانی بەڕێزتانن".

 

زۆرترین خوێندراوە

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure