كاره‌با
150 جار بینراوە 7/6/2019 03:38 PM

پێدانی كاره‌بای نیشتمانیی به‌هاووڵاتیان ئاسایی ده‌بێته‌وه‌



سنور ميديا 

دوای كۆنترۆڵكردنی ئاگره‌كه‌ی ناوچه‌ی پیرداود له‌ وێستگه‌ی هه‌ولێری غازی ده‌ستبه‌به‌رهه‌مهێنانی كاره‌با كرایه‌وه‌و بارودۆخی كاره‌بای نیشتمانی ئاسایی ده‌بێته‌وه‌.

 

وه‌زاره‌تی كاره‌با هاوبه‌شانی ئاگادار ده‌كاته‌وه‌ له‌ماوه‌یه‌كی كه‌مدا تیمه‌كانی ئاگركوژێنه‌وه‌ له‌ به‌رگری شارستانی توانیان كۆنترۆڵی ئه‌و ئاگره‌ بكه‌ن كه‌ سه‌عات 3ی پاش نیوه‌ڕۆی دوێنێ پێنج شه‌ممه‌ له‌پوش و پاوانی ده‌وروبه‌ری وێستگه‌ی هه‌ولێری غازی له‌ناوچه‌ی پیرداود كه‌وتبووه‌وه‌و به‌هۆیه‌وه‌ بۆ ماوه‌یه‌ك به‌رهه‌مهێنانی كاره‌با له‌و وێستگه‌یه‌ راگیرا.

 

وه‌زاره‌تی كاره‌با به‌هه‌ماهه‌نگی له‌گه‌ڵ وه‌زاره‌تی سامانه‌ سروشتیه‌كان دووباره‌ ده‌ستی به‌به‌رهه‌مهێنانی كاره‌با كرده‌وه‌و بارودۆخی كاره‌با ئاسایبووه‌.

 

وه‌زاره‌تی كاره‌با سوپاسی هه‌ریه‌ك له‌ به‌ڕێوه‌به‌رایه‌تی گشتی به‌رهه‌مهێنانی كاره‌با و به‌ڕێوه‌به‌رایه‌تی كۆنترۆڵی كاره‌بای هه‌رێم و تیمه‌كانی ئاگركوژێنه‌وه‌و كارمه‌ندانی كۆمپانیای داناغاز وێستگه‌كه‌ ده‌كات كه‌ ئاماده‌كارییه‌كی باشیان كردو رێگایان له‌ته‌شه‌نه‌كردنی ئاگره‌كه‌و زیانه‌كانی كردوو له‌ماوه‌یه‌كی كه‌میشدا توانیان ته‌واویی تۆرباینه‌كانی وێستگه‌كه‌ به‌گه‌ڕبخه‌نه‌وه‌و ماوه‌كانی پێدانی كاره‌با بۆ هاووڵاتیان ئاسایی بكه‌نه‌وه‌.

 

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure