تره‌مپ
162 جار بینراوە 7/6/2019 01:39 PM

ئێران قسەكانی ترامپ بەدووبارە دەزانێت‌و نایەوێت وەڵامیانبداتەوە



سنور ميديا 

وەزارەتی دەرەوەی ئێران لەبەیاننامەیەكدا رەخنەی لەلێدوانەكانی ئەم دواییەی دۆناڵد ترامپی سەرۆكی ئەمریكا گرت و پێیوایە قسەكانی لە ئەوروپا دووبارە و دژبەیەكن و شایانی ئەوە نین وەڵام بدرێنەوە .

 

بەیاننەمەكەی وەزارەتی دەرەوەی ئێران، كە دوای لێدوانەكانی دۆناڵد ترامپ و ئیمانوئێڵ ماكرۆنی هاوتا فەرەنسییەكەی لەسەر بەرنامە مووشەكییە بالیستییەكانی تاران هات تێدا هاتووە، لێدوانەكانی دۆناڵد ترامپ لە ئەوروپا دووبارە و دژ بەیەكن و شایەنی ئەوە نین جارێكی تر تاران وەڵامیان بداتەوە.

 

هەروەك بەیاننامەكە رایگەیاندووە، هێنانەگۆڕی بابەتی دەرەوەی رێكەوتننامە ناوەكییە یارمەتیدەری واشنتۆنە بۆ بەدیهێنانی ئەو ئامانجەی خۆی لە هەرەسهێنانی ریكەوتنەكەدا دەبینێتەوە " ، دەشڵێت" ئەو بابەتی لەو جۆرە بێمتمانەیی لەنێوان تێكڕای لایەنەكانی رێكەوتننامە ناوەكییەكە زیاد دەكات ".

 

لەبەشێكی تری بەیاننامەكەدا هاتووە: لایەنی ئەوروپی جگە لە بەیاننامە سیاسییەكانی ، بەڵام نەیتوانیوە بەشێوەیەكی كردارەكی پابەند بێت بە ڕێكەوتنەكەوە ، دوای كشانەوەی واشنتۆنیش دەستەوەستانە و توانای ئەوەی نییە كەشێكی ئەوتۆ بخولقێنێت كە دەستەبەری پاراستنی بەرژەوەندییەكانمان بكات بەپێی ناوەرۆكی رێكەوتنە ناوەكییەكە ".

 

دوێنێ ، ترامپ لەلێدوانێكیدا بۆ رۆژنامەنووسان و پێش دەستپێكردنی گفتوگۆ دووقۆڵییەكانی لەگەڵ ئیمانوئێڵ ماكرۆنی سەرۆكی فەرەنسا لە شارۆچكەی كۆن لە رۆژئاوای فەرەنسا و دوای ئامادەبوونی لە ڕێوڕەسمەكانی یادكردنەوەی ٧٥مین ساڵەی دابەزاندنی نۆرماندی گوتی " ئەو گەمارۆیانەی بەسەر ئێرانماندا سەپاندووە بۆتە هۆی ئەوەی ئێران وەك دەوڵەت ئیفلیج بكات ، بەڵام هەوڵ دەدەین بە دانوستان تاران كەمەدندكێش بكەن ".

 

لای خۆیشییەوە ماكرۆن جەختی كردەوە كە فەرەنسا و وڵاتە یەكگرتووەكانی ئەمەریكا وەكو یەك هەوڵ دەدەن ڕێگری بكەن لەوەی ئێران دەستی بگات بە چەكی ناوەكی و دەستپێكردنی دانوستانی نوێی نێودەوڵەتی بۆ بەدیهێنانی ئەو ئامانجە هاوبەشە.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure