سنور ميديا
794 جار بینراوە 4/6/2019 11:44 AM

به‌م جه‌ژنه‌ گەنجێکی کورد کوژرا



سنور ميديا 

به‌ دەستڕێژی گولـلەی سەربازانی سوپای تورکیا، گەنجێکی کوردی ئێزدی لە نزیک روباری دیجلە کوژرا.

 

خدر دیرو خانەسۆری، چالاکوانی ئێزدی راگەیاند: سەرلەبەیانی ئەمرۆ سێشەممە ٤ی حوزەیرانی ٢٠١٩ لە ناو زەویەکەیدا لە تەنیشت روباری دیجلە لە نزیک دەروازەی نێودەولەتی ئیبراھیم خەلیل لەلایەن سوپای تورکیاوە تەقەی لێکرا.

 

وتیشی: "دوای ئاوارەبوونیان، ژمارەیەک لە ھاووڵاتیانی ئێزدی لە نزیک روباری دیجلە تەماتە و خەیارو چەند بەرھەمێکی دیكه‌یان بۆ خۆیان چاندووه‌، به‌ڵام به‌یانی ئه‌مڕۆ کاتێک (ئەمین ساڵح عومەر) ھەوڵدەدا زەوییەکەی ئاو بدات، سەربازانی سوپای تورکیا لە بەرامبەر زەوییەکەوه‌ لەناو خاکی تورکیاوە دەستڕێژی گولـلەیان لێکردووەو کوشتوویانه‌".

 

بۆ دواڕۆژ ئەوەشی خستەڕوو: ئەو گەنجە ئێزدیە خەڵگی گوندی دوو گوورێی سەر بە قەزای شه‌نگال بووه‌، دوای ھێرشەکانی داعش لە ساڵی ٢٠١٤ لەگەڵ خێزانەکەیدا ئاوارە بووەو لە کامپی چەمشکۆ لە قەزای زاخۆ نیشته‌جێ بوون.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure