سنور ميديا
1263 جار بینراوە 3/6/2019 10:59 AM

پلانێكى شاره‌وه‌ى مه‌ترسى دارايى توكريا بۆ سه‌ر هه‌رێمى كوردستان ئاشكرا ده‌كرێت



سنور ميديا 

له‌ درێژه‌ى هێرش كردنى توركيا بۆ سه‌ر باشورى كوردستان , له‌ئێستا توركيا له‌ هه‌وڵى دروست كردنى گروپى چه‌كدارى دايه‌ له‌ نێو خاكى هه‌رێمى كوردستان له‌ ڕێگه‌ى چه‌ند سه‌رۆك عه‌شيره‌تێكه‌وه‌ كه‌ كۆبووه‌ته‌وه‌ له‌گه‌ڵيان .

 

ئه‌م هه‌وڵه‌ى توركيا له‌ كاتێكدايه‌ له‌ ئێستا توركيا تۆمه‌ت بار ده‌كرێت له‌ دروست كردنى تيرۆر و داعش له‌ ناوچه‌كه‌ .

 

به‌پێى هه‌واڵى ڕۆژ نيوزى نزيك په‌كه‌كه‌وه‌ ، دەوڵەتی تورکيا جگە لەوەی هێرشەکانی بۆ داگیرکردنی هەرێم هەر ڕۆژ بەردەوام دەکات، هەندێک پیلانی شاراوەشی هەیە.

 

 

 

به‌ پێى هه‌واڵى ئه‌و ميديايه‌ , کۆبوونەوە و چاوپێکەوتنی نهێنی بە تایبەت لە ناوچەی برادۆست دژی بزوتنەوەی ئازادیخوازی گەلی کورد بەڕێوەدەبەن، سەرچاوەکان ئاماژەیان بەوە داوە، کە کاربەدەستانی ڕێکخراوی سیخوڕی نەتەوەیی (میت)ی تورک، پێش نەورۆزی ئەمساڵ لە ناوچەی برادۆست لەگەڵ سەرۆک عەشیرەت، ڕیشسپییەکان و نوێنەری هەندێک لایەن کۆبوونەوەیان کردووە، سەرچاوەکان هەروەها ڕایانگەیاندووە، کە نزیکی ١٠٠ کەس بەشداری ئەو کۆبوونەوانە بوون وهەوڵدراوە دژی بزوتنەوەی ئازادیخوازی گەلی کورد کوردستان پیلان دابڕیژرێت.

 

سەرچاوەکان باسیان لەوە کردووە، کە دەوڵەتی تورکيا هەوڵدەدات بە پارە دژی بزوتنەوەی ئازادیخوازی گەلی کورد گروپی چەکدار دروست بکات و لەو چوارچێوەیەدا زۆر کەسیان پەروەردە کردووە، ئەو هەوڵانە لەژێر ناوی دینداریی دەکرێت و چەکیشیان بە هەندێک کەس داوە.

 

سەرچاوەکان ئاشکرایان کردووە، کە دەوڵەتی تورک لەم ڕۆژانەدا لە ناوچەی برادۆست لەگەڵ نوێنەری هەندێک لایەنی کوردی باشور و ڕۆژهەڵاتی کوردستانەوە کۆبوونەوەی کردووە، لەو کۆبوونەوانەدا لەسەر دژایەتی بزوتنەوەی ئازادیخوازی گەلی کورد قسەکراوە و وتراوە: "ئەگەر لە ئێران شتێک ڕووبدات، ئێمە ڕێگە نادەین گۆڕانکارییەک هاوشێوەی ڕۆژئاوای کوردستان دروست بێت، ئێمە لەوێ هێزێک دروست دەکەین".

 

سەرنجڕاکێشە کە دوای ئەم باسانە لە ناوچەی برادۆست، جموجۆڵی هەندێک لە هێزەکان زیادی کردووە، لە ڕۆژی ١ی ئەم مانگەدا لە نێوان هەردوو باڵی حیزبی دیموکراتی کوردستانی ئێران (حدک و حەکا) لەلایەکیشەوە سازمانی خەباتی کوردستانی ئێران-دا لە چیای هەڵگورد سەربە پارێزگای هەولێر ئالۆزی ڕوویداوە، هەرچەند ئالۆزییەکە شەڕی چەکداریی لێنەکەوتەوە، بەڵام هێشتا چارەسەر نەبووە و دەوترێت ئەو هەردوو باڵەی دیموکرات داوایان کردووە سازمانی خەبات لە ناوچەکە بکشێتەوە.

 

لەلایەکی دیکەشەوە ڕاگەیەندراوە، هێزەکانی پارتی ڕۆژی ٣١ی مانگی پێنج لە ناوچەکە دەستیان بە جموجۆڵ کردووە و شەوانە کاروانێکیان کە پێکهاتووە لە ١٥ ئۆتۆمبێل، ڕەوانەی ناوچەی برادۆست کردووە، سەرچاوەکان باسی ئەوەشیان کردووە، کە لەگەڵ ئەو هێزەدا ژمارەیەک حەفارە و ئۆتۆمبێلی دروستکردنی ڕێگاوبان و کۆنتێنەر بۆ مانەوە براوەتە ئەو ناوچەیە.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure