عەلی باپیر
1310 جار بینراوە 30/5/2019 11:47 PM

عەلی باپیر: گەر پاشگری ئیسلامی کۆسپ بێت لایدەبەین



سنورمیدیا

عەلی باپیر ئەمیری کۆمەڵی ئیسلامیی بەبۆنەی هەژدەهەمین ساڵیادی دامەزراندنی کۆمەڵی ئیسلامی پەیامێکی بڵاودەکاتەوە و لە بەشێکی پەیامەکەیدا ڕایگەیاند:"هەر شتێک بووبێتە پەرچ و کۆسپ لە نێوان ئێمە و خەڵک و جەماوەردا،دەبێ لایبەرین".

 

"گەر باشگری ئیسلامی کۆسپە دەبێ لایبەرین"

ئەمیری کۆمەڵ ئەوەی ڕاگەیاندووە" ئینجا ئەگەر پاشگری (ئیسلامیی) ئەو كۆسپەیە، دەبێ‌ لایبەرین، هەروەها هەرشتێك بووبێتە پەرچ ‌و كۆسپ لە نێوان ئێمە و خەڵك ‌و جەماوەردا، دەبێ‌ لایبەرین، چونكە وەك چۆن ئوممەتی پێغەمبەر "صلی الله علیە وسلم" بۆ هەموو مرۆڤایەتییە، ئێمەش لە راستییدا هەر هی خۆمان نین، ئێمەش دەبێ‌ هی هەموو خەڵك‌ و جەماوەر بین‌. بەرپرسیارین بەرانبەر بە خەڵك‌ و جەماوەرەكەمان بە گشتیی، بۆیە دەبێ‌ هەوڵبدەین بە كام شێواز و ئامڕازە خەڵك زیاتر لێمان تێدەگات، زیاتر ئاشنای پەیامەكەمان دەبێ‌، ئەوە بەكاربێنین".

 

"نەك تەنیا بۆ چەند ماڵێك یان بۆ چەند حیزب‌ و لایەنێك"

 

لە پەیامەکەیدا عەلی باپیر سەبارەت بە دۆخی سیاسی ئێستا وتوویەتی:"بە نسبەت لایەنە سیاسییەكانەوە، با واز لە ماڵ ماڵۆكێنە بێنین‌ و ئەم وڵاتە هی هەموو لایەكە، نازو نیعمەتەكانی كە خوا تێیدا داناون، بۆ هەموو لایەكی داناون، نەك تەنیا بۆ چەند ماڵێك، یان بۆ چەند حیزب‌و لایەنێك هەڕەشەی گەورە گەورە لەسەر ناوچەكە هەن بەگشتیی‌و، بەتایبەتیی لەسەر عێڕاق‌و هەرێمەكەمان، ئنجا ئەوەش كە گرەنتی (ضمانة)ی سەركەوتنی ئێمە دەكا، بەسەر كێشەكاندا، "پاش پشتیوانی خوا عزوجل" تەنیا تەبایی نێو خۆمانە، تەباییش لەسەر بناغەی دادگەریی نەبێ‌ هەرگیز بنیات نانرێ‌".


"کۆمەڵی ئیسلامیی هەورازو نشێوی زۆر سەختی بڕیوە"

ئه‌میری‌ كۆمه‌ڵی‌ ئیسلامی‌ ده‌ڵێت "له‌ ماوه‌ی‌ هه‌ژده‌ ساڵی‌ ڕابردوودا كۆمه‌ڵی‌ ئیسلامی قۆناغی‌ زۆر سه‌ختی‌ بڕیوه‌". هه‌روه‌ها دووپاتی‌ ده‌كاته‌وه‌ كۆمه‌ڵ سه‌ربه‌رزه‌ به‌ ئیسلام و ئۆپۆزسیۆنبوونیشی له‌ژێر سایه‌ی‌ بنه‌ما به‌رزه‌كانی‌ ئیسلامدا بووه‌.

 

سه‌باره‌ت به‌ كۆنگره‌ی‌ داهاتووی‌ كۆمه‌ڵی‌ ئیسلامیش، ئەمیری کۆمەڵی ئیسلامی ڕایگەیاندووە:" كۆمه‌ڵ هه‌وڵ ده‌دات له‌ كۆنگره‌ی‌ داهاتوودا زیاتر گه‌شه‌ بكات و به‌رفروان ببێت، بۆ گه‌یشتن به‌ ئامانجیش هه‌ر دیوارێك له‌ نێوان كۆمه‌ڵ و جه‌ماوه‌ردا هه‌بێت، پێویسته‌ لاببرێن...

 

 

"ئێمە وەك گەلی كوردی مسوڵمان، زۆر بەهرەمەند بووین لە ئیسلام‌و، دەتوانین زۆر زیاتریش لێی بەهرەمەند بین".


عەلی باپیر،ئەمیری کۆمەڵی ئیسلامی ئەوەشی وتووە:"ئیسلام گەورەترین نیعمەتە لە بوون (وجود)داو، ئێمە وەك گەلی كوردی مسوڵمان، زۆر بەهرەمەند بووین لە ئیسلام‌و، دەتوانین زۆر زیاتریش لێی بەهرەمەند بین، هەم بۆ ژیانی دنیامان، هەم بۆ دواڕۆژمان. ئنجا هەمووشمان لەبەرانبەر ئیسلامدا بەرپرسیارین‌و، پێویستە هەوڵبدەین هەرچی زیاتر، هەموو لایەكمان زیاتر لە ئیسلام تێبگەین، ئیسلامی بەرجەستە لە قوڕئان‌و سوننەتدا، ئنجا لەدوای زیاتر لێ‌ تێگەیشتنیشی، هەوڵ بدەین زیاتر تێیدا پێبگەین، چونكە بێگومان دینداریی‌و مسوڵمانەتیی، تەنیا بە لێتێگەیشتنەوە، جێی خۆی دەگرێ‌‌و بەتێداپێگەیشتنیشی، مرۆڤـ لێی بەهرەمەند دەبێ‌".


دەقی پەیامەکە:

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure