داهاتی نه‌وت
137 جار بینراوە 30/5/2019 11:40 AM

دیلۆیت: (49%)ی داهاتی نەوتی هه‌رێمی کوردستان نه‌گه‌ڕاوه‌ته‌وه‌



سنور میدیا - کوردستان

کۆمپانیای دیلۆیت ڕایگه‌یاند لە کۆی زیاتر لە دو ملیار دۆلار پارەی نەوتی فرۆشراوی هەرێم، تەنها یەک ملیار و (96) ملیۆن دۆلاری گەڕاوەتەوە بۆ خەزێنەی هەرێم، بەوەش تەنها (51%)ی داهاتی نەوتی فرۆشراو گەڕاوەتەوە خەزێنەی گشتی.

 

ئەمڕۆ پێنجشەممە راپۆرتی شەشەمی وردبینی و پشتڕاستكردنەوەی زانیارییەكان لەلایەن, كۆمپانیای جیهانی دیلۆیت تایبەت بە داتا و زانیاریی نوێ دەربارەی , هەناردەكردن، بەكاربردن و خەرجی و داهاتەكانی نەوتی هەرێمی کوردستان له‌ سێ مانگی کۆتایی 2018 بڵاوکرده‌وه‌.

 

بەپێی راپۆرتەکە تەنها لە سێ مانگدا بڕی (410) ملیار و (581) ملیۆن و (533) دۆلار وەک تەعریف و پێدانەوەی قەرز دراوەتە کۆمپانیای وزەی تورکی (TEC) و کۆمپانیای نەوتی نێودەوڵەتی تورکیا (TPIC) و بڕی (253) ملیار و (928) هەزار و (37) دۆلار بەناوی خەرجییە گشتییەکان خەرجکراوە بەبێ ئەوەی وردەکارییەکانی ئاشکرا بکرێت.

 

کۆمپانیای دیلۆیت ئاشکرای کردوە؛ لە کۆی گشتی داهاتی نەوتی هەرێم کە بڕەکەی زیاتر لە دو ملیار دۆلارە، تەنها (یەک) ملیار و (96) ملیۆن و (478) هەزار و (527) دۆلار وەک داهاتی سافیی لەلایەن حکومەتی هەرێمەوە وەرگیراوە کە دەکاتە رێژەی (51%)ی پارەی نەوتی فرۆشراو، به‌م پێیه‌ش ڕێژه‌ی (49%) ی داهاتی نه‌وت نه‌گه‌ڕاوه‌ته‌وه‌ هه‌رێمی کوردستان.

 

بێجگه‌ له‌وه‌ی حکومەتی هه‌رێم، بڕی (86) ملیۆن دۆلاری وەک پێشەکی فرۆشتنی نەوتی خاو لە داهاتودا وەرگرتوە.

 

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure