كۆمه‌ڵى ئيسلامى
60 جار بینراوە 15/5/2019 01:03 PM

سەرۆكی فراکسیۆنی کۆمەڵ لە ئەنجوومەنی پارێزگای هەولێر دەستیلەکار کێشایەوە



سنور ميديا 

سەرۆكی فراکسیۆنی کۆمەڵی ئیسلامیی کوردستان لە ئەنجوومەنی پارێزگای هەولێر وازهێنانی لە حیزبەکەی راگەیاند، و ئاماژە بەوە دەدات، لەمڕۆوە هیچ پەیوەندییەکی بەکۆمەڵی ئیسلامییەوە نەماوە.

 

عەباس محەممەد، سەرۆكی فراكسیۆنی كۆمەڵی ئیسلامی لە ئەنجومەنی پارێزگای هەولێر ئەمڕۆ چوارشەممە لە کۆنگرەیەکی ڕۆژنامەوانیدا رایگەیاند، دەچمە پاڵ ئەو بەرپرس و ئەندامانەی چەند رۆژی رابردوو وازیانهێنا و لە ئەمڕۆەوە هیچ پەیوەندییەکم بە کۆمەڵەوە نەماوە.

 

وتیشی، "دوای رازینەبوون بە ئەنجامی هەڵبژاردنە ناوخۆییەکانی حیزب لە بەشێک لە مەڵبەندەکان بەتایبەت مەڵبەندەکانی 3 و 11 لە هەولێر، هەر لە یەکەم رۆژی هەڵبژاردنی بەرپرس و ستافی نوێ کەوتنە دژایەتیکردنیان تاوەکو ناچار بە دەستلەکارکێشانەوە کران".

 

ئاماژەی بۆ ئەوەشکرد، "لادان هەیە لەو بنەما شەرعیانەی کۆمەڵی ئیسلامی لەسەر راگەیێندرا، لە دیاریترینیان نەبوونی دادگەری، بەجۆرێک تائێستاش خەڵکێک لە چینی بەرزدا دەژین و ئامۆژگاری خەڵکە رەشوڕووتەکە دەکەن کە ئارامبگرن قەیرانە".

 

ئەو سەرۆکەی فراکسیۆنی کۆمەڵ ئەوەشی ئاشکرا کرد، لەماوەی مانگی رابردوودا سێ بەرپرسی باڵا و 70 کادیری باڵا و ناوەندی بە ئاشکرا وازیان لە کۆمەڵی ئیسلامی هێناوە، بەڵام حیزب "بێباک و بێمنەت" بووە بەرامبەر ئەو کەسانەی چەندین ساڵە بە خۆیان و ماڵ و منداڵیانەوە خزمەتیان بە حیزب دەکەن.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure