سنور ميديا
522 جار بینراوە 14/5/2019 12:19 AM

مه‌حمود سه‌نگاوى هۆشدارى ده‌دات و كانديد بوونى كوڕێكی بۆ پۆستى وه‌زارى ئاشكرا ده‌كات



سنور ميديا 

نوسینگه‌ی ڕاگه‌یاندنی مه‌حمود سه‌نگاوی، ئه‌ندامی مه‌كته‌بی سیاسی یه‌كێتیی نیشتمانیی ڕوونكردنه‌وه‌ له‌سه‌ر ويبسايتێكى نزيك گۆران ده‌دات , ڕایده‌گه‌یه‌نێت، كاروان مه‌حمود سه‌نگاوی كوڕی كاندیدی پۆستی وه‌زیری پلاندانانه‌ له‌كابینه‌ی نوێی حكومه‌تی هه‌رێمی كوردستان.

 

ئێواره‌ی ئه‌مڕۆ دووشه‌ممه‌ له‌ڕاگه‌یه‌ندراوێكدا نوسینگه‌ی ڕاگه‌یاندنی مه‌حمود سه‌نگاوی، ئه‌ندامی مه‌كته‌بی سیاسی یه‌كێتی ڕایگه‌یاند، "مەحمود سەنگاوی پشتیوان و پاڵپشتی هەر کاندێکی چالاک و بەتوانا و بەئەزموونە بۆ هەر پۆستێک، بە پێویستیشی دەزانین ڕایبگەیه‌نی کە کوڕی مەحمود سەنگاوی (کاروان مەحمود سەنگاوی) کاندیدە بۆ پۆستی وەزیری پلاندان لە حکومەتی هەرێمی کوردستاندا و هەڤاڵ مەحمود سەنگاوی وەک هەر کادرێکی یەکێتی نیشتیمانی کوردستان پشتیوان و پاڵپشتی دەبێت".

 

هه‌روه‌ها ڕاشى ده‌گه‌يه‌نێت ,لە وێبسایتی پەیسەر پرێسدا و لە ژێر ناونیشانی " مەحمود سەنگاوی هۆشداری دەدات" بڵاوکراوەتەوە وتراوە "مەحمود سەنگاوی هۆشداری داوەتە باڵەکانی یەکێتی نیشتیمانی کوردستان کە بەئاگابن لە دیاریکردنی ئەو کەسانەی کە دەچنە حکومەتی هەرێمی کوردستان و هۆشداربن لە ناردنی کوڕ و کەسانی بنەماڵەکانیان". وەک نوسینگەی هەڤاڵ مەحمود سەنگاوی ڕایدەگەیەنین کە ئەم لێدوانە بە هیچ جۆرێک پەیوەندی بە هەڤاڵ مەحمود سەنگاویەوە نییە و دەستەواژەی باڵەکانی یەکێتی بە هیچ جۆرێک وتەی یەکێتیە ڕەسەنەکان نییە و وتەی نەیارەکانی یەکێتی نیشتیمانی کوردستانە.

 

 

ئاماژه‌ به‌وه‌شدراوه‌، " تاکو ئەو شوێنەی کە پەیڕەوی ڕێبازە پیرۆزەکەی یەکێتی و هەڤاڵ مام جەلال بکات و ڕێگەش بە غەدر لێکردنی نادات وەک هەر کادرێکی تری چالاکی یەکێتی نیشتیمانی کوردستان".

 

ده‌قه‌كه‌ى :,کۆمەڵانی خەڵکی بەشەرەفی کوردستان
دەزگاکانی ڕاگەیاندن و ناوەندە میدیاییەکان

 

هاونیشتیمانیانی ئازیز، وەک نوسینگەی ڕۆژنامەوانی هەڤاڵ مەحمود سەنگاوی لە ڕوانگەی هەستکردن بەو بارودۆخە ناهەموار و نالەبارە سیاسیەی کە پێشتر لە سەر و بەندی تاوتوێکردنی لایەنەکان بۆ پێکهێنانی حکومەت هەەبووە لە ڕوانگەی هەستکردن بە لێپرسراویەتیەوە چاوپۆشیمان لە چەندین هەاوڵی بێ بنەما و چاواشەکار کردووە کە بۆ زڕاندن و بۆ مەبەستێکی سیاسی دیاریکراو دەربارەی هەڤاڵ مەحمود سەنگاوی بڵاو کراوەتەوە، بەڵام تەشهیر و هەواڵە بێ بنەماکانیان و هەوڵەکانیان بۆ تێکدانی نێو ماڵی یەکێتی نیشتیمانی کوردستان چیدی جێگای قبوڵ نییە.

 

لە وێبسایتی پەیسەر پرێسدا و لە ژێر ناونیشانی " مەحمود سەنگاوی هۆشداری دەدات" بڵاوکراوەتەوە وتراوە "مەحمود سەنگاوی هۆشداری داوەتە باڵەکانی یەکێتی نیشتیمانی کوردستان کە بەئاگابن لە دیاریکردنی ئەو کەسانەی کە دەچنە حکومەتی هەرێمی کوردستان و هۆشداربن لە ناردنی کوڕ و کەسانی بنەماڵەکانیان". وەک نوسینگەی هەڤاڵ مەحمود سەنگاوی ڕایدەگەیەنین کە ئەم لێدوانە بە هیچ جۆرێک پەیوەندی بە هەڤاڵ مەحمود سەنگاویەوە نییە و دەستەواژەی باڵەکانی یەکێتی بە هیچ جۆرێک وتەی یەکێتیە ڕەسەنەکان نییە و وتەی نەیارەکانی یەکێتی نیشتیمانی کوردستانە.

 

بە پێویستی دەزانین کە ڕایبگەیەنین هەڤاڵ مەحمود سەنگاوی بە تەواوی پشتیوانی بڕیارەکانی یەکێتی نیشتیمانی کوردستان دەکات و دڵنیایە کە یەکێتی نیشتیمانی کوردستان بۆ حکومەتی داهاتووی هەرێمی کوردستان کەسانی بە ئەزموون و چالاک و بەتوانا دەنێرێت نەک کەسانێکی لاواز لە بڕیار و و ناپاک لە لایەنی دارایدا، هەڤاڵ مەحمود سەنگاوی بڕوای وایە کە دەبێت کاندیدان بۆ پۆستەکانی حکومەتی هەرێم پاش ئەوەی بە سەرجەم فلتەرەکاندا تێپەڕدەبن دەبێت بە دەنگدان لە ئەنجوومەنی سەرکردایەتیدا هەڵببژێردرێن و هەر کەسێکیش بۆ هەر پۆستێک خۆی کاندید بکات ئازادە و هەڤاڵ مەحمود سەنگاوی پشتیوان و پاڵپشتی هەر کاندێکی چالاک و بەتوانا و بەئەزموونە بۆ هەر پۆستێک، بە پێویستیشی دەزانین ڕایبگەینی کە کوڕی هەڤاڵ مەحمود سەنگاوی (کاروان مەحمود سەنگاوی) کاندیدە بۆ پۆستی وەزیری پلاندانان لە حکومەتی هەرێمی کوردستاندا و هەڤاڵ مەحمود سەنگاوی وەک هەر کادرێکی یەکێتی نیشتیمانی کوردستان پشتیوان و پاڵپشتی دەبێت تاکو ئەو شوێنەی کە پەیڕەوی ڕێبازە پیرۆزەکەی یەکێتی و هەڤاڵ مام جەلال بکات و ڕێگەش بە غەدر لێکردنی نادات وەک هەر کادرێکی تری چالاکی یەکێتی نیشتیمانی کوردستان.

نوسینگەی ڕۆژنامەوانی هەڤاڵ مەحمود سەنگاوی

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure