سنور ميديا
1122 جار بینراوە 9/5/2019 01:05 PM

پلانه‌كه‌ى توركيا له‌ دانانى ئاشتى هه‌ورامى له‌ كابينه‌ى نوێى حكومه‌تى هه‌رێم ئاشكرا ده‌كرێت



سنور ميديا

ئاشتی هەورامی، وەک کاندیدی پارتی دەبێتەوە وەزیری سامانە سروشتییەکان، پەرلەمانتارێك پێوايه‌ ئاشتی هەورامی بۆ ئەوە دەهێڵدرێتەوە، کە دۆسیەی نەوت ئاشکرا نەبێت، دەشڵێن تورکیا فشاردەکات بۆ ئەوەی ئاشتی هەورامی بمێنێتەوە لەبەر ئەوەی گرێبەستی ٥٠ ساڵەیان بۆ بپارێزێت.

 

بەهۆی ئەوەی ڕۆژی ٥ی ئەم مانگە، ڕێککەوتننامەی نێوان یەکێتی و پارتی بۆ پێکهێنانی حکومەت واژۆکرا، چاوەڕوان دەکرێت کارەکانی پێکهێنانی کابینەی نۆیەمی حکومەتی هەرێمی کوردستان دەستپێبکات.

 

بەپێی ئەو زانیارییانەی بڵاوکراونەتەوە، ئاشتی هەورامی، کاندیدی پارتییە بۆ وەرگرتنەوەی پۆستی وەزیری سامانە سروشتییەکان.

 

د.غالب محەمەد، ئەندامی فراکسیۆنی گۆڕان لەئەنجومەنی نوێنەرانی عێراق و خاوەنی بڕوانامەی دکتۆرا لە بواری نەوت و غاز-دا، لەبارەی هەوڵەکانی مانەوەی ئاشتی هەورامی لە پۆستەکەیدا دەڵێت: ئەو وەزیرە لەبەر ئەوەی کوتلەی نێچیرڤان بارزانییە دەیانەوێت بمێنێتەوە، لەبەر ئەوەی زۆربەی گرێبەستە نەوتییەکانی کردووە، ئەم وەزیرە سەرچاوەیەکی گەورەی گەندەڵییە، نەک دەبێت دووربخرێتەوە بەڵکو دەبێت زیندانی بکرێت، داوا لەهەموو ئەندام پەرلەمانەکانی دەکەم دەنگی پێنەدەن.

 

غالب محەمەد، پێی وایە کە بێجگە لە نێچیرڤان بارزانی، تورکیاش فشاردەکات بۆ مانەوەی ئاشتی هەورامی و بۆ ڕژنيوز وتی: لەبەر ئەوەی تورکیا سودێکی زۆر لە نەوتی هەرێمی کوردستان دەبینێت، تورکیا گرێبەستی ٥٠ ساڵەی نەوت و غازی هەیە لەگەڵ هەرێمی کوردستان، هەروەها ئەو کۆمپانیا تورکیانەی لەهەرێمی کوردستان گرێبەستیان لەگەڵ کراوە هیچیان شارەزانین لەبواری نەوت، هەر بیرە نەوتێکیان دراوەتێ خراپیان کردووە، بۆنموونە کێڵگەی چیاسور لە گەرمیان بیرە نەوتەکە پربووەتەوە، ئەوەی تەقتەق، لە ساڵی ٢٠١٥ ڕۆژانە ٢٥ هەزار بەرمیل بەرهەمی هەبووە، لەساڵی ٢٠١٦ بووەتە ١٥ هەزار بەرمیل، بۆیە دەیانەوێت ئاشتی هەورامی بمێنێتەوە بۆ ئەوەی بەرژەوەندییەکانیان بپارێزێت.

 

ئەو ئەندامەی ئەنجومەنی نوێنەرانی عێراق، ئاماژەی بە شکستەکانی ئاشتی هەورامی کرد، لەپۆستەکەیدا و وتی: ئەم پیاوە پیاوێکی گەندەڵە، لەسەردەمی ئەمدا خەڵک بێ مووچەکرا، حکومەتی هەرێم قەرزاربوو، سوتەمەنی گران بوو، کارەبا خراپ بوو، یانی ئەگەر ئاشتی هەورامی دادگایی نەکرێت پێویست ناکات کەسی دیکە دادگایی بکرێت.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure