جوڵانەوەى نەوەى نوێ
215 جار بینراوە 6/5/2019 01:46 AM

جوڵانەوەى نەوەى نوێ هه‌ڵوێستى ڕاگه‌ياند



سنور ميديا 

ئەنجومەنى باڵاى جوڵانەوەى نەوەى نوێ لەبارەى هەڵکوتانە سەر ئۆفیسی سەرەکى جوڵانەوەکە بەیاننامەیەکى بڵاوکردەوە و ڕایگەیاند، هۆشیاریی تەواومان بەم موئامەرە موخابەڕاتییە هەیە کە دژمان دەگوزەرێت.

لە بەیانننامەکەدا ئەنجومەنى باڵاى نەوەى نوێ ئاماژەى بەوەکردووە، "بۆ جاری سێیەم هێزێکی دەمامکدار هەڵیکوتایە سەر ئۆفیسی سەرەکیی جوڵانەوەی نەوەی نوێ لە شاری سلێمانی، لەکاتێکدا هەڵکوتانەسەرەکە بەبێ هیچ تەبلیغ و پاساوێکی یاسایی و فەرمانی دادگا بووە و لەو ڕەشبگیرییەدا چەند خۆبەخشێکیشیان لە کچ و کوڕ دەستگیرکردووە."

 

ڕاشیگەیاندووە، " ئەم هەوڵە ناشیرین و ترسنۆکانەی یەکێتی نامانترسێنێت و بەڵکو لەسەر باوەڕەکانمان بۆ کۆتاییهێنان بەم سیستمە ستەمکارە سوورترمان دەکات."

 

داواشیکردووە، " سەرجەم لایەنەکانی دەرەوەی دەسەڵات و خەڵکی ڕۆشنبیر و نوخبە، لەئاست ئەم بێشەرمییە سیاسییە هەڵوێستیان هەبێت و بۆ مێژوو بێنە دەنگ و مەحکومی بکەن، ئەوەی ئەمڕۆ بەرامبەر بە نەوەی نوێ دەکرێت، بێگومان لە داهاتووی نزیکدا بەرامبەر بە ئێوە و هەموو دەنگێکی ئازا و ئازاد دەکرێت."

 

لە بەشێکى دیکەى بەیاننامەکەدا ئەنجومەنەکە باسی لەوەشکردووە، "سەرجەم ئەوانەی دەستیان لەگەڵ دەسەڵات و موئامەرەکانیدا تێکەڵ کردووە و بە پلان و پیلان ویستوویانە نەوەی نوێ و ڕۆحی بەرەنگاریی لەناوبەرن، دوای یەکلابوونەوە و جیاکردنەوەی خەڵکە دلسۆزەکەی نەوەی نوێ کە تیبینییان هەیە، لە جاسوس و خۆفرۆشەکان، ئەوا بەپێی پەیڕەوی ناوخۆی جوڵانەوەکە خۆفرۆشان سزای خۆیان وەردەگرن و دەردەکرێن."

 

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure