هه‌په‌گه‌
157 جار بینراوە 2/5/2019 05:11 PM

سه‌ركه‌وتنى گه‌وره‌ ڕاده‌گه‌يه‌نرێت



سنور ميديا 

ناوەندی ڕاگەیاندن و چاپەمەنی هەپەگە ئاشکرایکرد، ڕۆژی یەکی ئایار لە ناوچەی ئیدرێ، لە چالاکییەکی گەریلادا، لانی کەم ٥ سەربازی تورک کوژران و دوو هێلیکۆپتەریش پێکراون.

 

دەربارەی ئەنجامی دوواین چالاکییەکانی گەریلا، ئەمڕۆ ناوەندی چاپەمەنی و ڕاگەیاندنی هێزەکانی پاراستنی گەل- هەپەگە، ڕاگەیەندراوێکی بڵاوکردەوە.

 

بەگوێرەی ڕاگەیاندراوەکەی هەپەگە، گەریلا لە چوارچێوەی (هەنگاوی سەرکەوتنی شۆڕشگێڕیی) دا، لە ئیدر چالاکییەکانیان بەرفراوانتر کردووە، لەو چوارچێوەیەدا هاتووە:"لە چوارچێوەی هەنگاوی سەرکەوتنی شۆرشگێڕیدا، کە لە هەرێمی سەرحەد بەردەوامە، کاتژمێر ١٢:٢٠خولەکی نیوەڕۆی ڕۆژی ١ی ئایار، لە ناوچەی باشان-ی سەر بە ئیدر، هێزەکانمان لە دژی سوپای تورکی داگیرکەر چالاکییەکی بەرفراوانیان ئەنجام دا، هێزەکانمان ئەو کاروانەی دوژمنیان کردە ئامانج کە لەسەر ڕێگای بنکەی ئایدنلار بوو، هاوکات گورزی تووندیان لە ئۆتۆمبێلێکی زرێپۆشی نەفەرهەڵگر وەشاند، کە بەهۆی سەختی پێکانەکەی لە شوێنی خۆیدا وەستا، دواتر هێزەکانی دوژمن بە دوو هەلیکۆپتەری ئەپاچییەوە بەهاواری هێزە پێکراوەکەیان هاتن، بەڵام هێزەکانمان گورزی توندیان لە هەردوو هەلیکۆپتەرەکەش وەشاند، بەهۆی پێکرانەکەیانەوە، یەکێک لەهەلیکۆپتەرەکان ناچار بوو لە بنکەی ئایدنلار بنیشێتەوە، چارەنووسی هەلیکۆپتەرەکان هێشتا دیار نییە، هەربۆیە سوپای تورکی داگیرکەر بۆردومانێکی کوێرانەی گۆڕەپانی چالاکییەکە و دەوروبەرەکەی کرد و دواتر لەو ناوچەیە پاشەکشەی کرد".

 

لەسەر ئەنجامی چالاکی گەریلاکان، هەپەگە ئاشکرایکرد:"سەلمێندراوە کە لە چالاکییەکەدا بە گشتی پێنج سەربازی دوژمن کوژراون، بەڵام پێشبینی دەکرێت کە ژمارەیان ونبووەکانی ئەندامانی سوپای تورک زیاتر بێت، هێزەکانمان لەو چالاکییەدا هیچ زیانێکیان بەرنەکەوتووە".

 

لە بەشێکی دیکە ڕاگەیاندراوەکە ئەوەش هاتووە: دوێنی فڕۆکە شەڕکەرەکانی سوپای تورک چەندین شوێنیان لە هەرێمەکانی پاراستنی مەدیایان بۆردومان کرد، تێیدا هیچ زیانێک بە هێزەکانمان نەگەیشتووە، بەڵام زیان لە باخ و باخاتی گوندنشینەکانی قەندیل کەوتووە.

 

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure