.
252 جار بینراوە 29/4/2019 11:04 PM

چیرۆکی نابینایەک.." جوانی ناخی مرۆڤ تاکه‌ شتێکه‌ که‌ نابیناکان ده‌یبینن".



سنورمیدیا-ستۆری

 ئا:فایەق حەمەساڵح

 

" جوانی ناخی مرۆڤ تاکه‌ شتێکه‌ که‌ نابیناکان ده‌یبینن "که‌لسووم خانی دایکی کوردۆ به‌ چاوی پڕ له‌ فرمێسکه‌وه‌ ووتی :" کوردۆ تا ته‌مه‌نیشی بوو به‌ پێنج شه‌ش ساڵان چاوی ده‌یبینی ".کوردۆ هه‌ر به‌ته‌نها به‌ مناڵی چاوه‌کانی له‌ ده‌ست نادا به‌ڵکو کاتێک ته‌مه‌نی ده‌گاته‌ حه‌وت ساڵان باوکی له‌ قادسیه‌ی سه‌دام ، ( جه‌نگی هه‌شت ساڵه‌ی ئێران _-عێراق ) دا ده‌کوژرێت و کوردۆ هه‌تیو ده‌که‌وێت .

 

 

ڕۆژێک له‌ کۆبوونه‌وه‌ی ئاسایی ڕێکخراوه‌که‌یان دا ؛ ڕێکخراوی نابینایانی کوردستان ژن و پیاوێکی نابینا به‌ڕێکه‌وت له‌ ته‌نیشت کوردۆ داده‌نیشن ، پیاوه‌که‌ له‌ کوردۆ ده‌پرسێت که‌ ئایا ژنی هێناوه‌ ؟ کوردۆ ده‌ڵێت نه‌خێر . ئه‌م ژن و پیاوه‌ ده‌بنه‌ فریشته‌ بۆ کوردۆ و خانمێکی پێده‌ناسێنن . کوردۆ ساڵی 2017 خێزان پێک ده‌هێنێت و ئێستا کچێکی جوانی هه‌یه‌ .


دایکی کوردۆ که‌لسوم خان که‌ دایکی ڕه‌یان پێ ی ده‌ڵێت گه‌له‌ ووتی کاتێک بینیم ئه‌وه‌نده‌ جوان و قه‌شه‌نگ بوو سه‌رسامی کردم ، منیش ڕووم کرده‌ دایکی ڕه‌یان و ووتم بزانه‌ دایکی کوردۆ چۆن وه‌سفت ده‌کات ، ئه‌ویش ووتی:"که‌س خه‌سووی منی نییه‌ ".

 

 

232202942019_bb.jpg

 

 

کوردۆ ودایکی و خێزانه‌که‌ی له‌ گه‌ڕه‌کی حاجی حان ( مه‌ڵکه‌ندی ) له‌ خانوویه‌کی کرێدا ژیان ده‌گوزه‌رێنن که‌ مانگانه‌ 200 هه‌زار دینار ده‌ده‌ن به‌ کرێخانوو ، کاتێک لێم پرسی که‌ ئایا چۆن ئه‌م کرێ خانووه‌ په‌یدا ده‌کات؟


کوردۆ ووتی :"من مانگانه‌ 100 هه‌زار دیناریی نابینایی وه‌رده‌گرم . پێشتر کارتی ئاسیا و کۆڕه‌کم ده‌فرۆشت به‌ڵام له‌به‌ر ئه‌وه‌ی ئه‌وه‌نده‌ پاره‌م به‌ده‌سته‌وه‌ نه‌ما ئێستا بنێشتی سه‌هم ده‌فرۆشم".

 

532202942019_bner.jpg

 

کوردۆ کۆڵان به‌ کۆڵان و جاده‌ به‌ جاده‌ی سلێمانی شاره‌زایه‌ ، کوردۆ ده‌ڵێت :" که‌س دۆمینه‌م لێ ناباته‌وه‌ ".

 

منیش مه‌سه‌لێکم بیر که‌وته‌وه‌ به‌ڵام به‌ باوکی ڕه‌یانم نه‌ووت !
"ده‌گێڕنه‌وه‌ جارێکیان نابینایه‌ک و چاو ساغێک دۆمینه‌ ده‌که‌ن ، بینه‌رێک ده‌پرسێت له‌ نابیناکه‌ تۆ چۆن له‌م چاو ساغه‌ی ده‌به‌یته‌وه‌ ؟ئه‌ویش له‌ وه‌ڵام دا ده‌ڵێت:" به‌د خۆش بێت لێ ی ده‌به‌مه‌وه‌ ".


باوکی ڕه‌یان نه‌ک پێویستی به‌ به‌د نییه‌ به‌ڵکو ڕێگا پیشانی چاوساغه‌کانیش ده‌دات ، هەر وه‌ک خۆشی ده‌ڵێت "ده‌ست بده‌م له‌ هه‌ر سه‌یاره‌ک ده‌زانم چ مۆدیلێکه‌".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure