نما و چيا نه‌وشيروان مسته‌فا
1387 جار بینراوە 28/4/2019 01:40 PM

بۆيه‌كه‌مجار به‌ ئاشكرا بۆچوونى نما و چيا بۆ به‌شدارى كردن له‌ حكومه‌ت ئاشكرا ده‌كرێت



سنور ميديا 

ئەندامێکی جڤاتی گشتی بزوتنەوەی گۆڕان، وەڵامی وتەكانی محەمەد حەمید ئەندامی پێشووی جڤاتی گشتی بزوتنەوەی گۆڕان دەداتەوە، ڕەتیدەكاتەوە بزووتنەوەی گۆڕان بووبێتە حیزێكی بنەماڵەیی و كوڕەكانی نەوشیروان مستەفا بڕیار بدەن لەسەرو دامەزراوەكانی گۆڕانەوە بۆ بەشداری كردن لەحكومەت یا بڕیارەكانی بزووتنەوەكە.

 

خەلیل سەركانی ئەندامی جڤاتی گشتی بزوتنەوەی گۆڕان ڕایگەیاندووە، لەدەرەوەی "موئەسەساتی بزووتنەوەكە كەس ناتوانێت بڕیار بدات ئیتر هەركەس بێت و كوڕی هەركەس بێت بەكۆی دەنگی ئەندامانی جڤات بڕیاری بەشداری كردنمان لەحكومەت دا، بەڵام كە جڤات بڕیاری بەشداری كردنی لەحكومەت دا بە ئازادانە خۆ ئەوان نایەن دژی بن، بەڵێ ئەوانیش (كوڕەكانی نەوشیروان) مستەفا پێیان باش بوو بچینە حكومەت ئەو بزووتنەوەیە هی باوكی ئەوانە حەقی بێ ئەملاولایانە هەڵسوڕاوی بزووتنەوەكە بن".

 

ئاماژەی بۆ ئەوەشکردووە، هەركاتێك بیانەوێت بێنە ناو بزووتنەوەكە دەتوانن بەسیلسلەی موڕاجەعەدا بێن خۆیان بوونی خۆیان بسەلمێنن هەموو كەسێك تەنانەت جولەكە-یەكیش دەتوانێت ببێتە هەڵسوڕاوی گۆڕان.

 

ناوبراو ئەوەشی بە دەنگی ئەمریکا وتوە، بەرنامەیەك هەبوو، كە بزووتنەوەی گۆڕان هەڵبوەشێننەوە و زەڕبی سفریبكەن، "ئەوە شاسوار دەركەوت تەرەفەكەی چییە، كە بانگەشەی چاكسازی دەكرد دەركەوت چییە، تەنانەت تەماحی كردووەتە كەرامەتی پەرلەمانتارەكانی خۆی، بەڵام خۆڕاگری هەڵسوڕاوەكان‌و خەڵكی پشت بزووتنەوەكە بوو، كە بزوتنەوەكە مایەوە، ئەگەرنا جۆرەها لایەنی ساختە لەژێر سێبەری ئەم حیزبانە دروستكران بۆ لێدان لەم بزووتنەوەیە بەڵام خۆشبەختانە بزوتنەوەكە خۆڕاگربوو، ئەوكاتەی ئێمە ئۆپۆزسیۆن بووین ئۆپۆزسیۆنێكی سەركەوتوو بوین خەڵكمان فێری ئۆپۆزسیۆن بوون كرد با خەڵكی تر بێ ئەملاو لا بچێت ئۆپۆزسیۆن بێت ئێمە پێش ئەوەی بچینە حكومەت بەڵێنمان بەخەڵكی خۆمان دا كەبەشدار دەبین لەحكومەت لەبەر ئەوە بەڵێنی خۆمانمان جێبەجێكردووە تەحەمولی بەرپرسیارێتی دەكەین، پارتی لایەنی براوە بووە داوای ئیستحقاقی خۆمان كردووە و داوینەتێ، ئەگەر گیروگرفتی ساختە نەبوایە لەهەفتەی یەكەم دەبوو ئەم كابینەیە پێكبهێنرێت.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure