سنور ميديا
216 جار بینراوە 27/4/2019 11:26 PM

پرسى کۆچبەران بووەتە بابەتێکى گەرمى هەڵبژاردنە فیدراڵیەکەى ئوسترالیا



سنور ميديا

بەپێى دواهەمین ڕاپرسى کە لەپێش هەڵبژاردنە فیدراڵیەکى ئوسترالیا بڵاوکراوەتەوە، دەنگدەرانى ئەو ووڵاتە مەرج نیە هاوڕا بن لەگەڵ سیاسەتى کۆچى ئەو پارتە سیاسیەى کە دەنگى بۆ دەدەن.


بەگوێرەى ڕاپرسییەکە، کە لەسەر ماڵپەرى هەواڵى ئەى بى سى نیوز بڵاوکراوەتەوە، یەک لەسەر سێى ئوسترالییەکان دەیانەوێت ووڵاتەکەیان کۆچبەرى زیاتر وەربگرێت و یەک لەسەرسێى تریش دەیانەوێت ڕێژەى وەرگرتنى کۆچبەران کەم بکرێتەوە و هاوکات یەک لەسەر سێى کۆتاییش دەیانەوێت ژمارەکە وەک خۆى بمێنێتەوە.


جگە لەو دیدە گشتیەى خەڵکى ئوسترالیا، زۆرینەى ڕەهاى دەنگدەرانى پارتى "یەک نەتەوە"ى ئوسترالیا داواى کەمکردنەوەى ژمارەى کۆچبەران دەکەن.


لەبارەى پرسى گێڕانەوەى بەلەمى قاچاخى پەناخوازانیشەوە، زۆرینەى دەنگدەرانى پارتى لیبراڵى دەسەڵاتدار پشتگیرى لە گێڕانەوەى پەناخوازانى دەریایى قاچاخ دەکەن، بەڵام لەسەدا 51 ى دەنگدەرانى پارتى کرێکارانى ئوسترالیا دیپۆرتکردنەوەى کۆچبەرانى دەریایى قاچاخ ڕەتدەکەنەوە و زۆرینەى ڕەهاى دەنگدەرانى پارتى "یەک نەتەوە"ش پشتگیرى لە سیاسەتى گێڕانەوەى پەناخوازانى دەریایى قاچاخ دەکەن.


سەرچاوە : ماڵپەرى هەواڵى ئەى بى سى نیوز

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure