ئه‌ياد محه‌مه‌د
305 جار بینراوە 22/4/2019 04:43 PM

ڕیسوایتان پیرۆز قەڵەم فرۆشەکان



 

حەقیقەتی ئەم وڵاتە وایە، ئەوانە ڕوسور و ڕوسپین کەبەئاشکرا لەگەڵ حیزبێک یان دەزگایەکی حیزبیداکاردەکەن، بەرنامەو کاری حیزبی جێ بەجێدەکەن و بەئاشکرا هەوڵی سەرکەوتنی ئەدەن، مرۆڤ ئازادە لەهەڵبژاردنی بەرنامەو کاری خۆی، بەڵام ئەوە سەرشۆڕیە بێیت بەناوی سەرخۆی و بێلایەنیەوە، مترێک زمانت دەربێنیت!

 

لەو لاشەوە باسی ئازادی ڕادەربڕین و نوسین بەرژەوندی گشتی بکەیت، کەچی لەژێر سێبەری چەتری شەخسێک یان حزب و بەرپرسێکدا ئاراستەبکرێیت!


ئەوکاتە تۆ جوانی بەئاشکرا لەهەرکوێبیت ڕوی خۆت پیشان بدەیت ئەگینا ئەمەت لەچیو ئەوەت لەچی!

 

کەوایە ئێستا ئەوانە خۆیان بە دەم ڕاستی ڕۆژنامەنوسان دەزانن بەدەمامکێکەوە هەریەکەیان لەسوچێکەوە چاوەڕوانی کەرەمی بەرپرس یان حیزبێکن، بۆیە لەڕۆژێکی وەهادا ئەبێیت بڵێین
یادی ڕۆژنامەگەری کوردی پیرۆزبێت لەوانەی لەبندەستی بەرپرسێکدان و ناویان لەخۆیان ناوەسەربەخۆ!

 

پیرۆزبێت لەتۆ ئەی داردەستی دەستی فڵان و فیسار!


پیرۆزبێت لەو ڕۆژنامەنوسانەی بەناوی سەربەخۆی و بێلایەنیەوە، شەوان لەدیوەخان و باخی بەرپرساندا نۆشی دەکەن شەرابی سور!

 

ئەی لانەدەر لەڕێبازی گەورەت پیرۆزبێت لەتۆ!


ئەی بەلاڕێدا بەری شەقام و ئاراستەکراو پیرۆزبێت لەتۆ!


ئەی دەوڵەمەندی سەر هەژارو چەورەخۆری سفرەی بەرپرس پیرۆزە!


ئەی گەورەی قسەزلی ڕۆژنامەو ماڵپەڕەکان و ملکەچی فەرمانی ئاغاو ڕسوای دەرگای بەرپرسان پیرۆزتبێت!

 

پیرۆزە لەوبەناو ڕۆژنامە نوسانەی هەرخەریکی بازبازێنن و چاوشارکێن لەگەڵ خەڵکدا !


کەوایە یادی ڕۆژنامەگەری پیرۆزە لە قەڵەم فرۆشەکانی ئەمڕۆ.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure