سنور ميديا
567 جار بینراوە 25/3/2019 12:11 AM

هۆشداری له‌ ڕودانی لافاوێكی گه‌وره‌ ده‌درێت



سنور ميديا

ناوه‌ندی پرۆسه‌ نیشتمانییه‌كانی عیراق هۆشداری له‌ ڕودانی لافاوێكی گه‌وره‌ له‌ عیراق ده‌دات.

 

ماڵپەری سۆمەریە نیوز نوسراوێکی نهێنی بڵاویکردووەتەوە کە نوسراوەکە به‌رواری ئه‌مڕۆ یه‌كشه‌ممه‌ 24ی ئازاری 2019 ی لەسەرە و نوسراوەکە ئاراسته‌ی فه‌رمانده‌یی پرۆسه‌ هاوبه‌شه‌كان له‌ وه‌زاره‌تی ناوخۆی عیراق كراوه‌.

 

 

به‌ڕێوه‌به‌ری گشتیی ناوه‌ندی قه‌یرانه‌ نیشتمانییه‌كانی عیراق لایه‌نه‌ په‌یوه‌ندیداره‌كانی ئاگادار كردوه‌ته‌وه‌ له‌ دروستبونی لافاوێكی گه‌وره‌ له‌ ناوچه‌كانی خۆرهه‌ڵاتی عیراق.

 

هاوکات نوسراوەکە ئاراسته‌ی ناوه‌ندی هه‌ماهه‌نگیی هاوبه‌ش JCC له‌ هه‌رێمی كوردستانیش كراوه‌ و تیایدا ڕاگەیاندراوە "به‌پێی پێشبینییه‌كان بۆ بارانبارینی ئه‌م چه‌ند رۆژه‌ی داهاتوو، لافاوه‌كه‌ له‌ پارێزگای دیاله‌وه‌ ده‌ستپێده‌كات و دواتر به‌ره‌و ناوچه‌كانی باشور ده‌ڕوات و شاره‌كانی واست و میسانیش ده‌گرێته‌وه‌".

 

له‌ نوسراوه‌كه‌دا ئەوەش هاتووه‌ "كه‌ لافاوه‌كه‌ ئه‌و كه‌شوهه‌وا خراپه‌ شاره‌كانی كه‌ركوك و موسڵ و سه‌لاحه‌ین و هه‌ولێر و سلێمانی و دهۆك و به‌غداش ده‌گرێته‌وه‌ و ره‌نگه‌ لافاوی گه‌وره‌ی لێ بكه‌وێته‌وه‌".

 

له‌ نوسراوه‌كه‌دا باس ئاماژه‌ به‌وه‌شدراوه‌ كه‌ ره‌نگه‌ به‌هۆی ئه‌و لافاوه‌وه‌ باری ئاگاداركردنه‌وه‌ی پله‌ (ج) رابگه‌یه‌نرێت كه‌ ئاماژه‌یه‌ بۆ باری له‌ناكاو و هۆشداریدان و دروستبونی مه‌ترسی.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure