قوباد تاڵەبانی
1424 جار بینراوە 11/3/2019 03:54 PM

قوباد تاڵه‌بانى ده‌ست له‌كارده‌كێشێته‌وه‌ و شوێنگره‌وه‌كه‌ى ڕاده‌گه‌يه‌نرێت



سنور ميديا 

بڕیاره‌ له‌ دانیشتنی‌ سبه‌ینێی‌ په‌رله‌مانی‌ كوردستاندا، شوێنگره‌وه‌كه‌ی‌ قوباد تاڵه‌بانی‌ سه‌رۆكی‌ لیستی‌ یه‌كێتی‌ نیشتمانی‌ كوردستان بۆ هه‌ڵبژاردنی‌ په‌رله‌مان سوێندی‌ یاسایی بخوات.

 

ده‌سته‌ی سه‌رۆكایه‌تی په‌رله‌مانی كوردستان، له‌ به‌یاننامه‌یه‌كدا ئه‌ندامانی په‌رله‌مانی كوردستانی‌ ئاگادار كردوه‌ كه‌ بڕگه‌یه‌كی‌ بۆ به‌رنامه‌ی كاری دانیشتنی ژماره‌ (2)ی ئاساییی رۆژی سێشه‌مه‌ 2019/3/12 زیاد كردووه‌.

 

له‌ به‌یاننامه‌كه‌دا هاتووه‌ "له‌سه‌ر داوای سه‌رۆك (فراكسیۆنی یه‌كێتی)، ده‌سته‌ی سه‌رۆكایه‌تیی په‌رله‌مان بڕیاریدا به‌زیادكردنی بڕگه‌یه‌ك به‌ رێزبه‌ندی (یه‌كه‌م) بۆ به‌رنامه‌ی كاری دانیشتنی ژماره‌ (2)ی ئاسایی رۆژی سێشه‌ممه‌ كه‌ سوێندخواردنی پاڵێوراو (راهی ره‌هبه‌ر ئیبراهیم) له‌ شوێنی ئه‌و پاڵێوراوه‌ی كه‌ سوێندی یاسایی نه‌خواردووه‌".

 

راهی ره‌هبه‌ر ئیبراهیم له‌ قه‌واره‌ی یه‌كێتی نیشتیمانیی كوردستان له‌ شوێنی‌ قوباد تاڵه‌بانی‌ سه‌رۆكی‌ لیستی‌ یه‌كێتی‌ نیشتمانی‌ كوردستان بۆ هه‌ڵبژاردنی‌ په‌رله‌مانی‌ كوردستان سوێندی‌ یاسایی ده‌خوات و ده‌بێته‌ په‌رله‌مانتار.

 

له‌ هه‌ڵبژاردنی‌ په‌رله‌مانی‌ كوردستاندا كه‌ رۆژی‌ 30ی‌ ئه‌یلول به‌ڕێوه‌چوو، قوباد تاڵەبانی وه‌ك سه‌رۆك لیست 182 هه‌زار و 551 دەنگی‌ به‌ده‌ستهێنا، به‌ڵام نه‌چووه‌ په‌رله‌مان.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure