پارتى و كۆمه‌ڵ
145 جار بینراوە 21/2/2019 02:05 PM

پارتی به‌ ته‌له‌فۆن داوای له‌ كۆمةڵ كردوه‌ به‌شداری له‌ حكومه‌تدا بكات



سنور ميديا 

ئەندامێکی‌ ئەنجومەنی‌ جێبەجێکردنی‌، کۆمەڵی ئیسلامی ئاشکرایکرد، پارتی‌ لە رێی‌ پەیوەندی‌ تەلەفۆنییەوە داوای‌ لە کۆمەڵ کردووە بەشداری‌ لە کابینەی‌ نوێی‌ حکومەتدا بکات.

 

عەبدولستار مەجید، سەرۆکی فراکسیۆنی کۆمەڵی ئیسلامی لە پەرلەمانی کوردستان و ئه‌ندامی ئه‌نجومه‌نی جێبه‌جێكردنی ئه‌و حزبه‌ به‌ وێستگه‌ نیوزی راگه‌یاند: وەڵامی‌ کۆمەڵ بۆ ئەو داوایەی پارتی کە لە رێی تەلەفونەوە کردویەتی، ئەوە بووە کە دەبێت پارتی‌ بە فەرمی‌ سەردانیان بکەن و داواکاری‌ بەشداریکردنیان لە کابینەی نوێ حکومەت پێشکەش بکەن.

 

ئاماژەی‌ بەوەشکرد، دوای‌ سەردانی‌ شاندی‌ پارتی بۆ لای حزبەکەی ئەو کات بەشدارییان لە پێکهێنانی حکومەتدا دەوەستێتە سەر گفتوگۆکانی‌ شاندی‌ دانوستانکاری‌ نێوان هەردوولا.

 

ئەم داوایەی‌ پارتی‌ لە کاتێکدایە، کە تا ئێستا کۆمەڵی ئیسلامی بڕیاری‌ یەکلاکەرەوەی‌ نەداوە لەسەر ئەوەی‌ کە بەشداری‌ حکومەت دەکات یاخود دەبێتە ئۆپۆزسیۆن.

 

رۆژی‌ 31ی‌ مانگی‌ رابردووش، بۆ یەکەمجار و دوای‌ چوار مانگ لە هەڵبژاردن و دەستپێکردنی‌ دانوستانەکانی‌ پێکهێنانی‌ حکومەت، شاندێکی‌ مەکتەبی‌ سیاسی‌ پارتی‌ لە هەولێر سەردانی‌ کۆمەڵی‌ کرد.

 

زۆرترین خوێندراوە

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure