سنور ميديا
217 جار بینراوە 15/2/2019 08:30 PM

‌ده‌سته‌ی گشتیی گومرگه‌كانی عیراق راگه‌یه‌ندراوێكی بڵاوكرده‌وه‌



سنور ميديا

ده‌سته‌ی گشتیی گومرگه‌كانی عیراق له‌ راگه‌یه‌ندراوێكدا بڵاویكرده‌وه‌ كه‌ له‌ سبه‌ینێ شه‌ممه‌وه‌ یه‌كخستنی رێوشوێنه‌ گومرگییه‌كان له‌ سه‌رجه‌م ده‌روازه‌ سنورییه‌كانی عیراق ده‌سپێده‌كات.

 

له‌ راگه‌یه‌ندراوێكدا كه‌ ئه‌مڕۆ هه‌ینی بڵاویكرده‌وه‌، ده‌سته‌ی گشتیی گومرگه‌كانی عیراق رایگه‌یاند به‌رده‌وامن له‌ جێبه‌جێكردنی ئه‌و رێكه‌وتنه‌ی له‌نێوان حكومه‌تی فیدڕاڵی و هه‌رێمی كوردستان واژوكراوه‌ كه‌ تایبه‌ته‌ به‌ هه‌ڵوه‌شاندنه‌وه‌ی ئه‌و خاڵه‌ گومرگییانه‌ی له‌ سنوری نێوان حكومه‌تی به‌غدا و هه‌رێمی كوردستان دانراوه‌.

 

ئاماژه‌ی به‌وه‌شداوه‌ كه‌ له‌ سبه‌ینێ شه‌ممه‌ 16ی شوباتی 2019ه‌وه‌ ده‌ست به‌جێبه‌جێكردنی بڕیاری یه‌كخستنی سه‌رجه‌م رێوشوێنه‌ گومرگییه‌كان له‌ سه‌رجه‌م ده‌روازه‌ سنورییه‌كان ده‌كرێت.

 

له‌ راگه‌یه‌ندراوه‌كه‌دا هاتووه‌ كه‌ رێككه‌وتنه‌كه‌ی نێوان هه‌ولێر و به‌غدا سه‌رجه‌م رێوشوێن و به‌نده‌كانی یاسای پێناسه‌ی گومرگی له‌خۆده‌گرێت و هه‌ر پسوڵه‌یه‌كی گومرگیش هه‌ردوو زمانی عه‌ره‌بی و كوردیی له‌سه‌ر و له‌ سه‌رجه‌م ده‌روازه‌كاندا كاری پێده‌كرێت.

 

پێشتر و له‌ 12ی ئازاری 2018، عه‌لی عه‌لاق، به‌ڕێوه‌به‌ری بانكی ناوه‌ندیی عیراق رایگه‌یاند كه‌ وه‌فدێكی حكومه‌تی عیراق له‌گه‌ڵ وه‌زیری دارایی هه‌رێمی كوردستان كۆبونه‌ته‌وه‌ بۆ هه‌ماهه‌نگیكردن له‌باره‌ی وه‌رگرتنی باجی گومرگی و یه‌كخستن و رێكخستن و چاره‌سه‌ركردنی كێشه‌كانی به‌رده‌م ئه‌و بواره‌.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure