سنور ميديا
194 جار بینراوە 11/2/2019 12:50 PM

تەرمی دوو کرێکار دۆزرایەوە



سنور ميديا 

لە ناو پڕۆژەیەکی نیشتەجێبووندا لە کەلار تەرمی دوو کرێکار دۆزرایەوە کە بە ڕەگەز سورین و پۆلیسیش پێی وایە ڕووداوەکە بەهۆی غازی مۆلیدەوە بووە.


بەڕێوەبەرایەتی پۆلیسی گەرمیان لە راگەیەنراوێدا ئەوەی خستەڕوو "بەیانی ئەمڕۆ دووشەمە ئاگادارکراینەوە لە حاڵەتی مردنی دوو کرێکار لە گوندی لانستی کەپرۆژەیەکی نوێیە لە قەزای کەلار".


پۆلیسی گەرمیان ئاماژەی بەوەکردووە "دوای گەشتنی مەفرەزەکانی 104ی کەلارو پۆلیسی نەهێشتنی تاوان بەپێی لێکۆڵینەوەسەرەتاییەکان گومان دەکرێت مۆلیدە لەژوورەکەیان کاریکردبێت و بەهۆی غازی مۆلیدەوە گیانیان لەدەست دابێت".


لە ڕاگەیەنراوەکەدا ئەوەش خراوەتەڕوو "ئەو دوو کرێکارەی گیانیان لەدەستداوە ئاوارەی سوریان و بەمەبەستی کارکردن ڕویان لەسنووری گەرمیان کردووە".


ئەوەش خراوەتەڕوو "لەئێستادا بەمەبەستی پشکنین تەرمەکانیان ڕەوانەی پزیشکی دادوەری سلێمانی کراوە و پۆلیس دەستی بەلێکۆڵینەوە کردوە لەسەرهۆکاری گیان لەدەستدانیان".

 

زۆرترین خوێندراوە

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure