يه‌كێتى وپارتى
1370 جار بینراوە 9/2/2019 01:57 PM

یەکێتی چوار کاندید بۆ پارێزگاری کەرکووک پێشکەش بە پارتی دەکا



سنور ميديا 

یەکێتیی نیشتمانیی کوردستان چوار کەس بۆ پۆستی پارێزگاری کەرکووک کاندید دەکات و لە کۆبوونەوەیدا لەگەڵ پارتی دیموکراتی کوردستان یەکێکیان دەستنیشان دەکرێن.

 

 به‌پێى هه‌واڵى ماڵپەڕی (شەفەق نیوز)ی عێراقی بە پشت بەستن بە زانیارییەکانی بڵاوی کردەوە کە ئەمڕۆ شەممە ٩ی شوباتی ٢٠١٩، یەکێتیی نیشتمانیی کوردستان چوار کەسی لە سەرکردەکانی خۆی دەستنیشان کردووە، تاوەکوو یەکێکیان پۆستی پارێزگاری کەرکووکیان پێ بدرێت.

 

هاوکات ئەوە ئاشکرا کراوە کە کاندیدەکان هەریەک لە (ڕزگار عەلی، ئاسۆ ئەڵمانی، رەفعەت عەبدوڵا و خالید شوانی)ن و وەکوو پێشنیاز دەخرێنە بەردەم پارتی دیموکراتی کوردستان، تاوەکوو لە کۆبوونەوەی نێوان یەکێتی و پارتیدا یەکێکیان دیاری بکرێت بۆ وەرگرتنی پۆستەکە.

 

هەمان ماڵپەڕ جەختی لەوە کردووەتەوە کە تاوەکوو ئێستا هەریەک لە بێگەرد تاڵەبانی و ڕێواز فایەق بۆ پۆستی سەرۆکی پەرلەمانی کوردستان کاندیدن.

 

ئەمە لە کاتێکدایە لە کۆبوونەوەی ڕۆژی ١٨ی شوباتی ٢٠١٩ی ئەنجومەنی پارێزگای کەرکووکدا کە پارتی و یەکێتی ڕێککەوتوون لەسەر ئەوەی لە هەولێر ئەنجام بدرێت، تائێستا بڕیار نییە پۆستی پارێزگاری کەرکووک یەکلا بکرێتەوە.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure