سنور ميديا
758 جار بینراوە 5/2/2019 05:33 PM

گروپێکی مافیا سەرانە لە دەوڵەمەندەکان وەردەگرن



سنور ميديا

ڕۆژنامەی زەمەن بڵاویکردووەتەوە لە سلێمانی گروپێکی مافیا دروستبوون و سەرانە لە دەوڵەمەندەکان دەسەنن و ئەوەشی خسوتەوەتەڕوو فەرماندەی هێزەکانی حەفتا و هەشتا هاوکاری پۆلیس دەکەن بۆ دەستگیرکردنی گروپەکە.


ڕۆژنامەی زەمەنی سەر بە کۆمپانیای وشە لە ژمارەی ئەمڕۆیدا بڵاویکردووەتەوە "لە ماوەی چەند هەفتەی رابردوودا گروپی جیاجیای مافیا لەشاری سلێمانی دروستبوە و بەزۆر پارەیان لە دەوڵەمەندەكانی بواری نەوت و یەكەی نیشتەجێبون و پێشانگای ئۆتۆمبێل و ئوتێل و رێستۆرانتەكان سەندوە".

 

ڕۆژانامەکە لەو هەواڵەدا ئاماژەی بەوەکردووە هەندێک لەو گروپە مافیایانە "بەرپرسانی دەسەڵاتداریان لەپشتەوە بووە".

 

ڕۆژنامەکە لە زاری سەركەوت ئەحمەد وتەبێژی پۆلیسی سلێمانی بڵاویکردووەتەوە "هەركەسێك هاتبێتە لامان سكاڵای تۆمار كردبێت‌، تاوانبارانمان دەستگیر كردوە و هەندێكی لەوانەی پارەیان لێسەندراوە سكاڵایان لای ئێمە تۆماركردوە".

 

ئەو بەرپرسەی پۆلیس بە ڕۆژنامەکەی وتووە "بەرپرسانی هێزەكانی (70 و 80)ی پێشمەرگەش هاوكارمانن و پێیانڕاگەیاندوین هەر كەسێك تاوانی وای ئەنجامدابێت فەرمانی دەستگیركردنەكەیانمان بۆ بێنن ئێمە رادەستی ئێوەی دەكەین".

 

لەهەمان ژمارەی ڕۆژنامەکەدا مەحمود سەنگاوی ئەندامی مەكتەبی سیاسی یەكێتی سەبارەت بەو دیاردەیە راگەیاندووە "مافیا لە سلێمانی دروستبوە و دەچنە سەر خەڵك، لیژنەیەكمان پێكهێناوە و هەركەسێك غەدری لێبكرێت مافەكەی وەردەگرینەوە".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure