سنور ميديا
541 جار بینراوە 2/2/2019 11:43 PM

پلانێكى ميت و پارتى دژى په‌كه‌كه‌ ئاشكرا ده‌كرێت



سنور ميديا

میدیاكانی نزیك لەپەكەكە رایانگەیاند كە پارتی و میت هەڕەشەیان لە عەشیرەتەكانی ناوچەی شیلادزێ كردووە بۆ ئەوەی خۆپیشاندان لە دژی پەكەكە بكەن.

 

بەگوێرەی راپۆتێكی ئاژانسی هەواڵی فورات(نزیك لە پارتی كرێكارانی كوردستان) دوای خۆپیشاندانەكانی ناوچەی شیلادزێ "پەدەكە دەیەوێت بە زۆرداری و ملهوڕانە كەسە دەستیگركراوەكان لە دژی تەڤگەری ئازادیی كوردان بهێنێتە قسە و ئەوەشی لە تۆڕە كۆمەڵایەتییەكاندا بڵاوكردەوە، هەر وەك ئەوەی ئاكەپە داوای لێكردووە، دەیەوێت بابەتەكە پێچەوانە و چەواشە بكات".

 

ئەو ئاژانسەی نزیك لە پەكەكە باسی ئەوەشی كردووە كە میت و پارتی "دەستیان كردووە بە هەڕەشە لە عەشیرەتەكانی شیلادزێ و ئامێدی و دێرەلوك. لە هەڕەشەكارییەكەیاندا گوشاریان خستووەتە سەر عەشیرەتەكان بۆ ئەوەی بەشداری رێپێوانێك بكەن لە دژی گەریلاكانی كوردستان و ئەگەریش بەشداری لەو رێپێوانەدا نەكەن، ئەوا دەستگیر و زیندانییان دەكەن".

 

باسی ئەوەشی كردووە كە دوای هەڵمەتی دەستگیركردنەكان ئەندامەكانی یەكێتی و گۆڕان بە پەیوەندی حزبەكانیان ئازادكراون بەڵام ئەندامانی تەڤگەر و خەڵكانی سەربەخۆ ماون دەیانەوێت بەزۆر دانپێدانانیان پێ ئەنجام بدەن.

 

فورات ئەوەشی راگەیاندووە كە "پەدەكە و میتی توركیا بۆ رێكخستنی رێپێوان لە دژی گەریلاكانی پەكەكە، بەشێوەی ملهوڕانە گوشارێكی زۆریان خستووەتە سەر عەشرەتی رێكانی. ئەو زۆردارییە لە كاتێكدایە 4ئەندامی عەشرەتی رێكانی لە بۆردومانی 23كانوونی دووەمی2019، فڕۆكە جەنگییەكانی دەوڵەتی توركی داگیركەر لە ناوچەی رەشوا لە دێرەلوك شەهید كرابوون".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure