پارتى
164 جار بینراوە 29/1/2019 09:47 PM

فراكسیۆنى پارتى: پەکەکە بۆتە هۆى وێرانبونى سەدان گوند



سنور ميديا

سەرۆکی فراكسیۆنى پارتى لە په‌ڕله‌مانى عێراق ڕایگه‌یاند، په‌كه‌كه‌ بووه‌ته‌ هۆى وێرانبونى سه‌دان گوند و ناخوازین خاكى هه‌رێم و عێراق ببێته‌ مه‌ترسى تێكدانى ئارامى وڵاتانى هاوسۆزى ئێمه‌.



له‌ كۆنگره‌یه‌كى رۆژنامه‌وانى ڤیان سەبری سەرۆکى فراكسیۆنى پارتی له‌په‌رله‌مانى عێراق، وتى: "له‌ چه‌ند ساڵى رابردو كێشه‌ى زۆر له‌ئه‌نجامى تۆپبارانى سوپاى توركیا له‌سه‌ر ناوچه‌ سنورییه‌كانى هه‌رێمى كوردستان په‌یدابون، هه‌ر له‌ده‌ستپێكى ئه‌و روداوانه‌وه‌ ئێمه‌ وه‌ك په‌رله‌مانتار له‌ جێى روداوه‌كان ئاماده‌بوین بۆ هێوركردنه‌وه‌ و پاراستنى گیانى هاوڵاتیانى ده‌ڤه‌ره‌كه‌.

 

وتیشى، ئاشكرایه‌ ئه‌و تۆپبارانكردنه‌ به‌ پاساوى بوونى په‌كه‌كه‌ یه‌ و ئه‌وان له‌هه‌رێمى كوردستان كاریگه‌رى نه‌رێنى سیاسى و ئابورى و كۆمه‌ڵایه‌تى له‌سه‌ر خه‌ڵكى هه‌رێمى كوردستان هه‌یه‌ و سه‌دان گوند به‌هۆى بونى ئه‌وانه‌وه‌ به‌وێرانى و كاولى ماونه‌ته‌وه‌.



سه‌رۆكى فراكسیۆنى پارتى راشیگه‌یاند، ئێمه‌ ناخوازین خاكى هه‌رێمى كوردستان و عێراق ببێته‌ مه‌ترسى تێكدانى ئارامى وڵاتانى هاوسۆزى ئێمه‌ و داواده‌كه‌ین هه‌ردو حكومه‌تى عێراقى فیدراڵ و حكومه‌تى هه‌رێمى كوردستان ئه‌و بابه‌ته‌ چاره‌سه‌ربكه‌ن.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure