سنور ميديا
669 جار بینراوە 24/1/2019 09:46 PM

به‌فر و باران بارين لە هەرێمی کوردستان دەستپێدەکاتەوە



سنور ميديا 

بەڕێوەبەرایەتی گشتی کەشناسی و بومەلەرزەزانی هەرێمی کوردستان ڕایدەگەێنێت "پێشبینی دەکرێت دوو شەپۆلی ماوەکورتی بارانبارین و بەفربارین و خۆڵبارین دەکات کە ڕودەکەنەوە هەرێمی کوردستان.

 

بەڕێوەبەرایەتی گشتی کەشناسی و بومەلەرزەزانی هەرێمی کوردستان رایگەیاندوە "سبەی هەینی 25-1-2019 لەکاتی بەیانیدا ناسەقامگیرییەک لە کەشی ناوچەکەمان دروستدەبێت، بارانبارین و بەفربارین لە ناوچە شاخاوی و سنوورییەکان دەستپێدەکات. پاشان، لەدوای نیوەڕۆدا کاریگەرییەکەی لاواز دەبێت".

 


بەڕێوەبەرایەتی گشتی کەشناسی و بومەلەرزەزانی هەرێمی ئاماژەی بەوەشداوە "قۆناخی دووەمی ئەو شەپۆلى بارانبارینە لە شەوی شەممە 26-1-2019ـەوە دەبێت و رۆژی سێشەممەش کۆتاییدێت. لەو ماوەیەدا لە تەواوی ناوچەکەمان بارانبارین دەبێت و ئەگەری بارانی بەلێزمەش هەیە و بەفر لە شاخە بەرزەکانیش دەبارێت".

 

کەشناسی هەرێمی باسی لەوەشکردووە "پێشبینی هاتنی بارستە هەوایەک لە ناوچەکانی باشووری رۆژئاوای عێراق دەکرێت کە دەبێتە هۆی خۆڵبارین و ئەویش لەگەڵ بارانبارین تێکەڵ دەبێت. لە شەوی سێشەممەشەوە کۆتایی بە کاریگەری ئەم شەپۆلە دێت".

 

زۆرترین خوێندراوە

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure